Вы тут

Міжнародны праект Star Flowers змяняе фармат


У Беларусі апошнім часам праводзіцца шмат цікавых дзіцячых конкурсаў, якія накіраваны на развіццё талентаў. Такія конкурсныя праекты дазваляюць адкрыць новыя зоркі, якія ў далейшым могуць стаць гонарам краіны. Міжнародны конкурс мастацтваў Star Flowers праходзіць у Беларусі ўжо пяты раз. За гэты час праект зарэкамендаваў сябе як творчую пляцоўку для амбіцыйных і ўпэўненых у сабе хлопчыкаў і дзяўчынак. Сёлета конкурс пройдзе з 12 па 15 мая.


Арганізатары V Міжнароднага конкурсу мастацтваў Star Flowers мяняюць фармат правядзення мерапрыемства і пераводзяць яго ў рэжым анлайн. Дзякуючы сучасным тэхналогіям будзе захавана празрыстасць ацэнкі нумароў і створаны эфект прысутнасці як для ўдзельнікаў, так і гледачоў. Рашэнне абумоўлена складанай эпідэміялагічнай абстаноўкай у краіне і свеце.

У конкурсе Star Flowers пяць намінацый: «Вакал», «Аўтарская песня», «Інструментальная музыка», «Харэаграфія» і «Конкурс малюнкаў». Галоўны прыз — грашовая прэмія ў 1000 еўра.

— За чатыры гады ў конкурсе паўдзельнічала каля трыццаці краін. Сярод іх — такія далёкія, як Паўднёвая Карэя, Палесціна, Куба, Ірландыя, — расказала дырэктар конкурсу Star Flowers Наталля Скапец. — З многімі канкурсантамі я падтрымліваю сувязь да гэтага часу. Вельмі радуюць такія цёплыя адносіны. У  мяне даўно было жаданне стварыць анлайн-школу, і цяперашняя сітуацыя ў свеце дапамагла часткова рэалізаваць гэтыя думкі. Мне цікава прамое ўзаемадзеянне з нашымі ўдзельнікамі, гледачамі. Яшчэ мы плануем арганізаваць бітву лайкаў на партале. Інтэрнэт-фармат дазволіў дадаць новую намінацыю — конкурс дзіцячых малюнкаў. Арганізатары прапануюць пафантазіраваць на тэму «Свет вачыма дзяцей» і з дапамогай малюнкаў расказаць пра сваё бачанне свету. Работа можа быць выканана ў любой тэхніцы.

— Конкурс малюнкаў узнік нечакана. Бывае, прыходзіць да мяне дзіця, чакае заняткаў і просіць паперу памаляваць, — дзеліцца Наталля Скапец. — Калі потым бачу работы, заўсёды захапляюся ўзроўнем 9-гадовых і 10-гадовых дзяцей. Таму мне падалася цікавай ідэя стварыць такую намінацыю ў рамках конкурсу. Для нас, арганізатараў, вельмі важна, каб дзіця самавыяўлялася і паказвала свае магчымасці.

Журы конкурсу — эксперты, арганізатары міжнародных фестываляў, конкурсаў і тэлепраектаў, прадзюсары і артысты. У 2020 годзе ў журы ўвайшлі: Глеб Лапіцкі, генеральны дырэктар ДУ «Цэнтр культуры “Віцебск”», дырэктар Дырэкцыі Міжнароднага фестывалю мастацтваў «Славянскі базар у Віцебску»; Марына Андрусенка, галоўны музычны рэдактар праектаў Першага канала «Голас» і «Голас. Дзеці»; Віктар Лейс, музычны прадзюсар кампаніі Lieder Leis, арганізатар міжнародных конкурсаў у Еўропе, дырэктар конкурсу Euro Pop Contest «Berliner Perle».

Вікторыя АСКЕРА

Загаловак у газеце: Новыя зоркі

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.