25 верасня, пятніца

Вы тут

Лукашэнка даручыў удзяліць асаблівую ўвагу рэабілітацыі адзінокіх пажылых людзей пасля каранавіруса


Прэзідэнт Беларусі Аляксандр Лукашэнка сёння на нарадзе даручыў удзяліць асаблівую ўвагу рэабілітацыі і аднаўленню пажылых людзей пасля перанесенай каранавіруснай інфекцыі, перадае БЕЛТА.


Аляксандр Лукашэнка зрабіў акцэнт на неабходнасці ўдзяліць асаблівую ўвагу клопату аб адзінокіх пажылых людзях у перыяд іх аднаўлення і рэабілітацыі пасля каранавіруснай інфекцыі. Міністэрству працы і сацыяльнай абароны сумесна з Міністэрствам аховы здароўя даручана распрацаваць сістэму аказання дапамогі гэтай катэгорыі грамадзян, у прыватнасці, вызначыць санаторыі, дзе аслабленыя пасля хваробы пажылыя людзі будуць аднаўляцца пад наглядам урачоў.

«Сёння Прэзідэнтам дадзена даручэнне Міністэрству працы і сацыяльнай абароны разам з Міністэрствам аховы здароўя выбудаваць сістэму далечвання, аднаўлення здароўя асобных катэгорый грамадзян. Гэта слабаабароненая катэгорыя грамадзян — пажылыя людзі і людзі з інваліднасцю. Асаблівы акцэнт і ўвага, бясспрэчна, будзе ўдзелена адзінокім і адзінока пражываючым пажылым людзям, у якіх побач няма блізкіх, якія маглі б ім аказаць адпаведную дапамогу», — расказала журналістам міністр працы і сацыяльнай абароны Ірына Касцевіч.

Яна адзначыла, што Міністэрства працы і сацыяльнай абароны мае добрую базу санаторыяў менавіта для пажылых людзей і інвалідаў. Існуючая матэрыяльна-тэхнічная база і безбар’ернае асяроддзе дае магчымасць прадастаўляць паслугі па санаторна-курортным лячэнні і аздараўленні гэтай катэгорыі грамадзян.

«Разам з Міністэрствам аховы здароўя мы сёння адпрацоўваем, робім экспертную ацэнку патрэбнасці месцаў для праходжання аздараўлення сярод пажылых людзей», — сказала міністр.

Прэв'ю: popmech.ru

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».