Вы тут

Шэсць медсясцёр у Беларусі маюць навышэйшую ўзнагароду


Ме­да­ля імя Фло­рэнс Най­цін­гейл — най­вы­шэй­шай уз­на­га­ро­ды​ для медыцынскіх сясцёр у свеце — удастоены шэсць медсясцёр за мужнасць і самаадданасць у гады Вялікай Айчыннай вайны. І столькі ж — у мірны час, у тым ліку пяцёра — медыцынскія сёстры міласэрнасці Чырвонага Крыжа, за служэнне адзінокім пажылым і цяжкахворым людзям. Пра гэта расказала генеральны сакратар Беларускага таварыства Чырвонага Крыжа Вольга Мычко.


Учора, 12 мая, ва ўсім свеце адзначаўся Міжнародны дзень медыцынскай сястры, прафесійнае свята ў гонар Флорэнс Найцінгейл — заснавальніцы сястрынскай справы. Прычым сёлета споўнілася 200 гадоў з дня яе нараджэння.

Паслядоўнікі Флорэнс Найцінгейл у Беларусі, супрацоўнікі медыка-сацыяльнай службы Чырвонага Крыжа «Дапамога» штодзень прыходзяць да тых, каму неабходна падтрымка. У межах гэтай праграмы працуюць 147 медыцынскіх сясцёр міласэрнасці і 18 малодшых сясцёр міласэрнасці, якія дапамагаюць 1,5 тысячы чалавек па ўсёй краіне. Падапечныя службы — адзінокія і адзінока пражываючыя пажылыя людзі, інваліды, хворыя з цяжкімі хранічнымі захворваннямі і псіхічнымі расстройствамі, тыя, хто жыве з ВІЧ/СНІД.

Унікальнасць медыка-сацыяльнай службы Чырвонага Крыжа — у аказанні комплекснай медыцынскай і сацыяльнай дапамогі дома. Гэта і назіранне за станам здароўя, медыцынскія працэдуры, індывідуальны догляд, псіхасацыяльная падтрымка і дапамога ў гаспадарча-бытавых справах, а таксама навучанне блізкіх асновам догляду, сама- і ўзаемадапамогі. Эфектыўнасць усіх гэтых відаў дапамогі немагчымая без ведаў і навыкаў. Медыцынскія сёстры міласэрнасці — спецыялісты з медыцынскай адукацыяй, больш за 70 % з іх маюць кваліфікацыйную катэгорыю.

— Нагрузка ў нас — каласальная. Прычым я маю на ўвазе не сумкі, якія даводзіцца насіць з магазіна, і не гатаванне, з якім просяць дапамагчы мае падапечныя, а псіхалагічны момант. Кожны чалавек са сваім характарам, і задача медыцынскай сястры — знайсці да яго ключык, — расказвае Таццяна Сірош, галоўная медыцынская сястра Дарожнай арганізацыі Беларускай чыгункі Беларускага Чырвонага Крыжа. — Вось і атрымліваецца, што падчас кантактавання мы становімся сябрамі, жывём радасцямі-клопатамі адзін аднаго, і калі ў маіх бабуль-дзядуль штосьці баліць, то баліць і ў мяне. А калі хтосьці з іх памірае — гэта трагедыя, доўга хаджу сама не свая.

Найвышэйшая ўзнагарода медсясцёр, медаль Флорэнс Найцінгейл, заснавана ў 1912 годзе Міжнароднай лігай Чырвонага Крыжа. Яна прысуджаецца кожныя два гады за выключную прыхільнасць справе міласэрнасці, гуманнасць і ўзорную прафесійную дзейнасць.

Алена КРАВЕЦ

Прэв'ю: pinsk.eu

Загаловак у газеце: За міласэрнасць і ўзорны прафесіяналізм.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.