27 кастрычніка, аўторак

Вы тут

Лукашэнка пра ўступную кампанію: Ніякіх непатрэбных паслабленняў быць не павінна


Аб актуальных для сістэмы адукацыі пытаннях Прэзідэнту Беларусі далажылі міністр адукацыі Ігар Карпенка і намеснік прэм’ер-міністра Ігар Петрышэнка.


«Ніякія праблемы ў эканоміцы і ніякія вірусы тым больш не адмяняюць актуальныя праблемы, якія заключаюцца ў нашых адносінах да дзяцей, — такімі словамі папярэдзіў даклад кіраўнік дзяржавы. — Таму ў парадку дня заканчэнне навучальнага года ў сістэме адукацыі, вядома, уступная кампанія і летняе аздараўленне, адпачынак дзяцей».

Зыходзіць трэба з таго, як развівалася сітуацыя ў Беларусі і якія меры прымаліся кіраўніцтвам краіны ў сувязі з эпідэміялагічнай абстаноўкай, падкрэсліў Прэзідэнт.

«Рашэнні будуць выключна зыходзіць з таго, як развіваліся гэтыя падзеі, а не так, як робяць нашы суседзі, — звярнуў ён увагу. — Мы нічога не забаранялі, мы адкрыта і шчыра казалі людзям, як трэба жыць і працаваць, таму з гэтага будзем зыходзіць. Ніякіх непатрэбных паслабленняў быць не павінна».

Для таго, каб вучыцца ў ВНУ, патрэбны веды, дадаў Прэзідэнт.

«Калі гэта школа, давайце вызначымся, як будзем праводзіць там выпускныя экзамены па заканчэнні 9 і 11 класаў. Я гатовы выслухаць вашы прапановы для прыняцця адпаведнага рашэння», — звярнуўся да дакладчыкаў Аляксандр Лукашэнка.

Чацвёртая чвэрць пачалася сёлета з 20 красавіка. З аднаго мільёна 15 тысяч 600 вучняў, якія ёсць у краіне, у школах прысутнічае парадку 41 працэнта, паведаміў Прэзідэнту міністр адукацыі Ігар Карпенка.

«Па-рознаму развіваюцца падзеі ў розных рэгіёнах. У сельскай мясцовасці значна больш школьнікаў на занятках. У Мінску — гэта парадку 27–28 працэнтаў. Адпаведна, мы выбудоўваем адукацыйны працэс такім чынам, каб не страціць якасць адукацыі», — дадаў ён.


Цэнтралізаванае тэсціраванне пачнецца 25 чэрвеня

Пра гэта паведаміў журналістам міністр адукацыі Ігар Карпенка па выніках нарады ў Прэзідэнта.

«Гэта не значыць, што ў нас не будзе запасу часу, каб падрыхтавацца да пачатку новага навучальнага года, — сказаў ён. — Мы якраз укладаемся ва ўсе тэрміны правядзення кампаніі, уключаючы момант падачы дакументаў і залічэння ў вышэйшыя навучальныя ўстановы на бюджэт, на платнае навучанне, паступленне ў сярэдне-спецыяльныя, прафесійна-тэхнічныя навучальныя ўстановы».

Сёлета лічбы прыёму ў ВНУ ў параўнанні з мінулым годам павялічаны за кошт тэхнічных, тэхналагічных, медыцынскіх, фізкультурна-аздараўленчых спецыяльнасцяў.

«Трошкі павялічаны набор і ў сярэдне-спецыяльныя навучальныя ўстановы, — дадаў Ігар Карпенка. — Ну а ў сістэме прафтэхадукацыі ў нас гнуткі набор: мы ў працэсе прыёму дакументаў можам лічбы скарэктаваць, каб ніводнае дзіця, якое не паступіць у сярэдне-спецыяльную альбо вышэйшую навучальную установу, не засталося за бортам па засваенні тых або іншых прафесій».

Навучальны год будзе скончаны ва ўстаноўленыя тэрміны — 30 мая, паведаміў міністр.

«Потым правядзем выпускныя экзамены. Падкарэктуем, магчыма, графік іх правядзення, паглядзім змест. Прымем меры перасцярогі, якія рэкамендуе Міністэрства аховы здароўя», — запэўніў кіраўнік ведамства.


У найбліжэйшы час будзе адпрацавана канкрэтная дата і фармат балу выпускнікоў

Што датычыцца рэспубліканскага балю выпускнікоў, Міністэрства адукацыі ўнесла кіраўніку дзяржавы прапанову яго правесці.

«Думаю, ў найбліжэйшы час будзе адпрацавана канкрэтная дата і канкрэтны фармат дадзенага мерапрыемства», — выказаў меркаванне міністр.

Разам з тым, рэспубліканскі «Апошні званок» у Бабруйску, напрыклад, вырашана адмяніць.

«Тут трэба зыходзіць з таго, які гэта рэгіён, якая ўстанова адукацыі, якая там складваецца сітуацыя, бо ўсюды ўсё па-рознаму, — патлумачыў пазіцыю ведамства адносна правядзення выпускных баляў міністр. — Мы дамовіліся пра тое, што ўсё ж такі ва ўрачыстай абстаноўцы атэстаты павінны быць уручаныя. Напэўна, кожная канкрэтная школа разам з бацькамі павінна вызначыцца, у якім фармаце яны гэта правядуць».

Міністэрства, па словах Карпенкі, не збіраецца ў гэтых пытаннях абмяжоўваць школы.


Школьныя лагеры — з 1 чэрвеня, аздараўленчыя — з 15-га

З 1–2 чэрвеня школы па заяўках бацькоў прапануюць лагеры дзённага знаходжання дзяцей.

Завяршаюцца работы па падрыхтоўцы лагераў з кругласутачным рэжымам знаходжання для прыёму дзяцей. Сёлета плануецца аздаравіць больш за 408 тысяч дзяцей, што на 10 тысяч больш, чым летась. Летнія аздараўленчыя лагеры з кругласутачным знаходжаннем дзяцей будуць адкрыты з 15 чэрвеня.


Мы выпусцім сёлета парадку 5 тысяч замежных студэнтаў сістэмы вышэйшай адукацыі

Ігар Карпенка не бачыць праблемы па наборы замежных абітурыентаў сёлета: тэрміны прыняцця ад іх дакументаў доўжацца да снежня, да таго ж, многія краіны пачынаюць ужо адкрывацца.

«Сёння вышэйшыя навучальныя ўстановы пачынаюць работу па зносінах анлайн з патэнцыйнымі замежнымі абітурыентамі па мовах навучання, —паведаміў міністр адукацыі. — Гэта схема не новая, яна працавала і летась, і пазалетась. Мы выпусцім сёлета парадку 5 тысяч замежных студэнтаў сістэмы вышэйшай адукацыі. Каля 300 з іх, па нашых дадзеных, збіраюцца паступаць у аспірантуру, магістратуру. Парадку 60 застануцца ў нас працаваць».

Вольга МЯДЗВЕДЗЕВА

Фота БЕЛТА

Выбар рэдакцыі

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне.