03 снежня, чацвер

Вы тут

У вёсцы пад Магілёвам паветра часта пахне фармальдэгiдам


Пытаннi, якiя турбуюць жыхароў Магiлёўскай i Вiцебскай абласцей, будуць уважлiва разгледжаны.


Хоць на дварэ быў буднi дзень, тэлефон прамой пятнiчнай лiнii не змаўкаў. Памочнiк Прэзiдэнта — iнспектар па Магiлёўскай вобласцi Аляксандр Субоцiн выслухаў у гэты дзень 24 жыхароў Магiлёўскай i Вiцебскай абласцей. Таццяна Рыгораўна, напрыклад, патэлефанавала з Оршы. Жанчына паскардзiлася, што да вёскi ў Шклоўскiм раёне, дзе яна мае дом, стала не дабрацца. У сувязi з каранавiрусам адменены рэйсы аўтобусаў Вiцебск—Бабруйск i Полацк—Гомель. Няма прамога рэйса i са Шклова. Даводзiцца дабiрацца 5-7 кiламетраў пешшу. Падчас прамой лiнii прадстаўнiк «Магiлёўаблтранса» паабяцаў разгледзець варыянт арганiзацыi маршрута са Шклова, бо на мiжгароднiх рэйсах на 50 % упалi аб'ёмы перавозак i перавозчыкi не жадаюць цярпець страты.

Пра тое, што пачаўся дачны сезон, сведчыла мноства зваротаў наконт дарожнага пакрыцця. Толькi за паўгадзiны заяўнiкi з Магiлёўскага раёна тройчы прасiлi зрабiць асфальт у населеных пунктах, дзе яны маюць нерухомасць.

Па дапамогу звярнулася жыхарка Быхава, якая з 70-х гадоў мiнулага стагоддзя жыве ў бараку пасляваеннага перыяду пабудовы. У доме працякае дах, але ўлады, кажа яна, слаба рэагуюць. Часовыя рамонты не ратуюць — дах як цёк, так i цячэ.

Жыхары дома па бульвары Непакораных з Магiлёва трапiлi ў непрыемную сiтуацыю. Жыллёва-камунальная арганiзацыя, якая iх абслугоўвае, зрабiла, як сцвярджаецца, без згоды жыльцоў рамонт у пад'ездзе. Мала таго што людзей не задавальняе яго якасць, дык яшчэ з iх пачалi ўтрымлiваць грошы. Па словах прадстаўнiкоў аблвыканкама, якiя бралi ўдзел у рабоце прамой лiнii, ужо паступаюць падобныя скаргi i з iншых дамоў, якiя абслугоўвае гэтая арганiзацыя.

Не абышлося i без набалелага пытання наконт прадпрыемстваў СЭЗ «Магiлёў», якiя знаходзяцца побач з аграгарадком Вейна i вёскай Навасёлкi ў Магiлёўскiм раёне. Жыхар Навасёлак паскардзiўся, што ў паветры часта пахне фармальдэгiдам i перыядычна чуваць шум ад працуючага абсталявання. Ён нагадаў, што прадпрыемствы абяцалi ўстанавiць прыборы аўтаматычнага кантролю, каб гэтыя моманты фiксавалiся.

Фота: yandex.net

Заяўнiкаў таксама хвалявалi пытаннi наконт зарплаты, узаконьвання зямельных участкаў, зносу дрэў пад паркоўку i iншыя. Жыхарка Кiраўскага раёна паскардзiлася на парушэннi, з якiмi працуе прыватнае прадпрыемства па суседстве з яе домам. Сярод асноўных прэтэнзiй — пастаянныя выкiды забруджвальных сродкаў у атмасферу, шумная работа абсталявання.

Усе пытаннi ўзятыя на кантроль i прынятыя да разгляду. «Не заўсёды людзi, якiя звяртаюцца па дапамогу, кажуць праўду, — адзначыў напрыканцы прамой лiнii Аляксандр Субоцiн. — Не сакрэт, што ёсць катэгорыя грамадзян, якая скардзiцца прафесiйна i не раз. Але ёсць людзi, што рэальна чакаюць дапамогi, часам iх па той цi iншай прычыне не чуюць. Таму мы да кожнага з 24 чалавек, якiя патэлефанавалi на прамую лiнiю, дойдзем, дэталёва вывучым iх праблемы, i, чым зможа, дзяржава iм дапаможа». Дарэчы, гэта была першая прамая лiнiя, якую Аляксандр Субоцiн правёў на пасадзе памочнiка Прэзiдэнта — iнспектара па Магiлёўскай вобласцi.

Нэлi ЗIГУЛЯ

Загаловак у газеце: Ад дарог да прыбораў аўтаматычнага кантролю

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.