Вы тут

У Мiнаблвыканкаме прэзентавалi аўтаматычную сiстэму аналiзу гукаў лёгкiх


Lung Pass — партатыўная прылада, якая дазваляе аддалена кантраляваў стан пацыентаў з лёгкiм цячэннем COVID-19 i кантактных асоб. Пра гэта БелТА паведамiлi ў аблвыканкаме. Стварэнне сiстэмы пачалося ў 2017 годзе. Прыладу распрацаваў рэзiдэнт Парка высокiх тэхналогiй ТАА «Хэлсi Нэтворкс» сумесна з кафедрай пульманалогii i фтызiятрыi БелМАПА.


Бесправадны лiчбавы стэтаскоп для праслухоўвання лёгкiх запiсвае шумы, хрыпы i iншыя гукi i перадае iх у праграму для смартфона праз Bluetooth. Гукi апрацоўваюцца i класiфiкуюцца ў «воблаку» з дапамогай нейрасеткi. Пасля пацыент праходзiць апытанне: фiксуе ў сябе наяўнасць тэмпературы, хрыпаў, макроты i iншых сiмптомаў. Урач можа аддалена пераслухаць гукi i прааналiзаваць анамнез за ўвесь тэрмiн назiрання. Пры выяўленнi прыкмет пнеўманii сiстэма паведамiць доктару пра пагаршэнне стану пацыента.

Цяпер сiстэму тэсцiруюць i дапрацоўваюць. Аднак ужо на гэтым этапе, падкрэслiла загадчыца кафедры пульманалогii i фтызiятрыi БелМАПА Алена Лапцева, карыснасць распрацоўкi не выклiкае сумненняў. «Яна добра дыферэнцыруе наяўнасць i лакалiзацыю хрыпаў. З яе дапамогай мы ўжо манiторым пацыентаў з мукавiсцыдозам. У дачыненнi да людзей з COVID-19 сiстэма асаблiва зручная, бо так iх можна прымаць дыстанцыйна. Больш за тое, калi мы тэсцiравалi сiстэму па распазнаннi аўскультатыўных феноменаў, яна перасягнула ўсе нашы чаканнi. У далейшым прылада дазволiць знiзiць нагрузку на ўстановы аховы здароўя i ўрачоў», — лiчыць Алена Лапцева.

У сваю чаргу, старшыня Мiнаблвыканкама Аляксандр Турчын расказаў, што ў будучынi лiчыць неабходным абсталяваць установы аховы здароўя вобласцi прыборамi, якiя дазваляюць своечасова лячыць людзей. «За такiмi распрацоўкамi будучыня. У Беларусi ёсць Парк высокiх тэхналогiй, шмат кампанiй i крэатыўных, разумных людзей, якiя могуць iсцi наперад у розных сферах, у тым лiку ў медыцыне», — заўважыў губернатар.

Загаловак у газеце: У дапамогу — лiчбавы стэтаскоп

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.