Вы тут

Другую чаргу археалагічнага музея ў Белавежскай пушчы плануюць адкрыць сёлета


Другую чаргу археалагічнага музея пад адкрытым небам у Белавежскай пушчы плануюць адкрыць сёлета. Аб гэтым паведаміў намеснік дырэктара па навуковай рабоце Інстытута гісторыі НАН Беларусі Вадзім ЛАКІЗА:

— Жыхары нашай краіны, замежныя госці, калі ў іх будзе магчымасць прыехаць, змогуць азнаёміцца з жылымі і гаспадарчымі пабудовамі позняга жалезнага веку. Археалагічны музей на тэрыторыі Белавежскай пушчы — першы комплекс такога тыпу ў Беларусі. Летась была адкрыта яго першая чарга. Падобныя помнікі археалогіі дапамагаюць выхоўваць гістарычную памяць і патрыятызм, яны заўсёды цікавыя турыстам. Па археалагічных дадзеных было адноўлена ўмацаванае гарадзішча позняга бронзавага — ранняга жалезнага вякоў, якое адносіцца да VIII стагоддзя да нашай эры — V стагоддзя нашай эры. У перспектыве такі турыстычны аб'ект будзе ўключаць сем музейных комплексаў, якія будуць адлюстроўваць асаблівасці развіцця матэрыяльнай і духоўнай культуры заходніх рэгіёнаў Беларусі розных гістарычных перыядаў ад каменнага веку да Сярэднявечча.

Сёлета былі праведзены археалагічныя даследаванні і добраўпарадкаванне мясцовасці ў Бялынічах, дзе ў верасні пройдзе Дзень беларускай пісьменнасці. Шмат археалагічных работ вядзецца ў Полацку — прыярытэтным напрамкам з’яўляецца забеспячэнне патрэбных археалагічных даследаванняў Полацкага замчышча. Важны кірунак работы — падрыхтоўка праектаў аховы помнікаў археалогіі, уключаных у Дзяржаўны спіс гісторыка-культурнай спадчыны. На сёння такіх помнікаў звыш дзвюх тысяч. Да таго ж, вядзецца рэестр тых культурных каштоўнасцяў, якія не ўвайшлі ў вышэйназваны спіс. Зараз ён налічвае больш за пяць тысяч аб’ектаў. Многія з іх патрабуюць актуалізацыі, бо яны былі знойдзены ў 50-я-70-я гады, калі не было дакладных карт, былі іншыя раёны.

Дар’я ШЛАПАКОВА

Прэв'ю: rg.ru

Загаловак у газеце: Памяць ад продкаў да нашых дзён

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.