Дэпутаты ратыфікавалі пагадненне, якое паўплывае на кошт тытунёвых вырабаў.
Як растлумачыў журналістам член Пастаяннай камісіі па бюджэце і фінансах Сяргей Сцельмашок перад пасяджэннем другой сесіі Палаты прадстаўнікоў Нацыянальнага сходу Беларусі сёмага склікання, праз рост рынку нелегальнай прадукцыі на тэрыторыі краін — членаў ЕАЭС наспела неабходнасць увядзення індыкатыўнай стаўкі акцызаў на тытунёвую прадукцыю.
Яна будзе ўводзіцца паэтапна да 2024 года ў памеры 35 еўра на тысячу цыгарэт. Пазней кожныя пяць гадоў Еўразійская эканамічная камісія будзе пераглядаць стаўку і вызначаць яе памер. Па словах дэпутата, краіны маюць права адхіляцца ад стаўкі на дваццаць працэнтаў у той ці іншы бок.
«Любая дзяржава — член саюза можа ініцыяваць перагляд гэтай стаўкі ў залежнасці ад эканамічнай сітуацыі, якая на дадзены момант склалася ў кожнай канкрэтнай краіне», — удакладніў Сяргей Сцельмашок.
Ён падкрэсліў, што з аднаго боку, тытунь — гэта адна з крыніц паступленняў у бюджэт, з другога — краіна з улікам значнасці гэтай прадукцыі для пэўнага кола насельніцтва стрымлівае цэны на яе. Таму акцыз можа размяркоўвацца паміж спажыўцамі і вытворцамі. Наколькі — вызначыць дзяржава.
Дэпутаты прагаласавалі за прыняцце законапраекта аб ратыфікацыі Пагаднення аб прынцыпах вядзення падатковай палітыкі ў вобласці акцызаў на тытунёвую прадукцыю дзяржаў — членаў Еўразійскага эканамічнага саюза.
Варвара Марозава
Прэв'ю: briangoff.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.