Вы тут

У Мастоўскім раёне з'явіцца грамадскі маніторынг пітной вады


Летась у лютым стартаваў праект «Удзел грамадскасці і эфектыўнае кіраванне воднымі рэсурсамі», які рэалізуюць мясцовы райвыканкам і МГА «Экапартнёрства» пры фінансавай падтрымцы з боку Еўрасаюза і Sіda.


У рамках праекта атрымаюць развіццё самыя розныя ініцыятывы. Напрыклад, будзе праведзена даследаванне сітуацыі з воднымі рэсурсамі ў Мастоўскім раёне, распрацаваны планы бяспечнасці вады і каналізацыі (іх рэалізацыю фінансава падтрымаюць), з'явяцца грамадскі маніторынг якасці пітной вады і вучэбны інфармацыйны цэнтр па вадзе. У рамках праекта таксама закупяць абсталяванне для кантролю забруджвання сцёкавых вод і ўзвядуць малое інавацыйнае збудаванне па іх ачыстцы.

— Праект разлічаны не на адзін год, і сёння мы ўжо завяршылі цыкл навучання спецыялістаў па распрацоўцы планаў бяспекі водазабеспячэння і водаадвядзення. У сустрэчах бралі ўдзел прадстаўнікі мясцовых улад, камунальнікі, самыя розныя суполкі, СМІ і мясцовыя жыхары, — адзначае выканаўчы дырэктар МГА «Экапартнёрства» Аліна БУШМОВІЧ. — Яны знаёміліся з заканадаўствам у гэтым кірунку, аналізавалі становішча сістэм водазабеспячэння і водаадвядзення ў сваім раёне, ацэньвалі ўсе рызыкі і праблемы, распрацоўвалі планы магчымых мерапрыемстваў, каб палепшыць сітуацыю.

Напрыклад, сярод такіх праблем былі невыкананне санітарных нормаў, частыя прарывы водаправодаў, размяшчэнне крыніц пітной вады каля могілак і месцаў выпасу жывёлы, адсутнасць звестак па якасці вады ў індывідуальных калодзежах.

З пункту гледжання экспертаў, рэалізацыя аналагічных планаў па ўсёй краіне дапаможа больш трывала кіраваць рызыкамі ў сістэмах водазабеспячэння і водаадвядзення і абгрунтоўваць інвестыцыі, патрэбныя гэтаму сектару.

Дарэчы, Мастоўскі раён — першы ў Беларусі, што вырашыў пераняць еўрапейскі вопыт па распрацоўцы планаў бяспекі водазабеспячэння і водаадвядзення. У рамках конкурсу Еўрапейскі саюз гарантуе фінансавую падтрымку ў памеры 40—60 тысяч еўра на рэалізацыю 4-6 мясцовых ініцыятыў.

Валерыя КІСЛАЯ

Фота Анатоля КЛЕШЧУКА

Загаловак у газеце: Празрыстае кіраванне

Выбар рэдакцыі

Грамадства

Як шматдзетная сям’я будуе жыллё з дапамогай дзяржаўнай субсідыі

Як шматдзетная сям’я будуе жыллё з дапамогай дзяржаўнай субсідыі

Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.

Грамадства

Камень Узнясення, «Стопачка» і «Руская свечка». Што паглядзець у Іерусаліме?

Камень Узнясення, «Стопачка» і «Руская свечка». Што паглядзець у Іерусаліме?

Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь. 

Грамадства

Справа для народных мсцiўцаў. Пра партызанскiя аперацыi — з першых вуснаў

Справа для народных мсцiўцаў. Пра партызанскiя аперацыi — з першых вуснаў

Цяпер, калi пасля вайны мiнула столькi гадоў, каштоўнасць аповеду яе жывых сведак толькi павышаецца.