Вы тут

Ну нарэшце пацяплела. На выхадныя паветра прагрэецца да 20 градусаў


Падобна на тое, што мы ўсё-ткі «выгналі гэты холад». А ў апошнія дні мая на тэрыторыю краіны вернецца па-сапраўднаму цёплае надвор'е, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


de.upet.com

А анамальны холад у нашым рэгіёне зладзіла арктычнае паветра, якое чамусьці занесла ў паўднёвыя шыроты. Вось і сталася другая дэкада мая ў нас прыкладна на 2—6 градусаў халадней звычайнага. Апошні раз так у нашай краіне было ў 2004 годзе.

У першы дзень выхадных будзе пераважна без ападкаў, толькі ўначы і раніцай месцамі па паўднёвым усходзе краіны пройдуць кароткачасовыя дажджы. Вецер прагназуецца ўначы паўночны, удзень з пераходам на паўднёвы ўмераны. Тэмпература паветра ўначы складзе ад плюс 1 да плюс 6 градусаў, па захадзе чакаюцца замаразкі да мінус 3 градусаў. Удзень будзе ад 10 да 16 цяпла, а ў крайніх паўднёва-заходніх рэгіёнах, дзе будзе мала аблокаў, сонца прагрэе паветра да плюс 17—20 градусаў.

Сіноптыкі абяцаюць, што ў нядзелю будзе воблачна з праясненнямі. Уначы па захадзе, удзень на большай частцы тэрыторыі краіны пройдуць кароткачасовыя дажджы, у асобных раёнах магчымы навальніцы. Вецер прагназуецца заходні, паўднёва-заходні ўмераны, пры навальніцах парывісты. Тэмпература паветра ўначы складзе ад плюс 1 да 6 градусаў, па захадзе — 7—9, у крайніх усходніх раёнах месцамі магчымыя замаразкі да мінус 3 градусаў. Удзень будзе 10—17 градусаў.

Паводле папярэдніх прагнозаў айчынных спецыялістаў, у панядзелак уначы месцамі, а ўдзень на большай частцы тэрыторыі краіны пройдуць кароткачасовыя дажджы. У дзённыя гадзіны ў асобных раёнах магчымыя навальніцы. Вецер прагназуецца паўднёвы, паўднёва-заходні ўмераны, пры навальніцах парывісты. Тэмпература паветра ўначы складзе 3—9 градусаў,
удзень — ад 12 да 20 градусаў.

Сяргей КУРКАЧ

Выбар рэдакцыі

Грамадства

Як кадравыя агенцтвы падманваюць даверлівых грамадзян

Як кадравыя агенцтвы падманваюць даверлівых грамадзян

Калі ў кадравым агенцтве вам прапануюць заплаціць грошы і гарантуюць стапрацэнтнае працаўладкаванне, смела разварочвайцеся і сыходзьце: перад вамі, напэўна, ашуканцы.

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.