Вы тут

Міністэрства аховы здароўя атрымала буйную партыю сродкаў абароны для медыкаў


Мінскі цэнтр распрацоўкі Wargaming (СТАА "Гейм Стрым") бязвыплатна перадаў ПТП "Белмедтэхніка" Міністэрства аховы здароўя Рэспублікі Беларусь 100000 аднаразовых ахоўных камбінезонаў. Гэтыя сродкі індывідуальнай абароны пашылі па адмысловай замове на вытворчых магутнасцях кампаніі Mark Formelle, гаворыцца на сайце Міністэрства аховы здароўя.


Сродкі індывідуальнай абароны неабходныя для таго, каб як мага мацней прадухіляць негатыўнае ўздзеянне вірусаў на медыцынскіх работнікаў.

Акрамя таго, сёння кампанія Wargaming і Дзіцячы фонд ААН (ЮНІСЕФ) перадалі ў Цэнтр экстранага рэагавання Міністэрства аховы здароўя Рэспублікі Беларусь партыю ў 91 000 масак класіфікацыі FFP3 (вытворчасць міжнароднай карпарацыі 3M).

Гэтыя сродкі індывідуальнай абароны забяспечваюць найвышэйшую ступень фільтрацыі паветра, а таксама эфектыўную абарону органаў дыхання ад пранікнення часціц і рэкамендаваны Сусветнай арганізацыяй аховы здароўя для выкарыстання медыцынскімі работнікамі пры аказанні дапамогі пацыентам з COVID-19.

У бліжэйшы час рэспіратары будуць дастаўлены ў тыя ўстановы аховы здароўя, якія ў іх найбольш маюць патрэбу: 20% ва ўстановы аховы здароўя Мінска, па 12,5% - у Мінскую, Гомельскую і Брэсцкую вобласці, па 10% - у Гродзенскую, Магілёўскую, Віцебскую вобласці і падведамныя РНПЦ, а таксама 2,5% у медустановы іншых ведамстваў.

Фота: minzdrav.gov.by

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.