Вы тут

За дзень беларусы патэлефанавалі птушкам больш за 50 тысяч разоў


Сумесны праект грамадскай арганізацыі «Ахова птушак Бацькаўшчыны» і А1 — «Выйдзі на сувязь з прыродай», які прапанаваў беларусам патэлефанаваць птушкам, у першыя суткі выклікаў сапраўдны ажыятаж. За дзень птушкам паступіла больш за 50 (!) тысяч званкоў.


Самымі запатрабаванымі абанентамі сталі салавей і шэрая кугакаўка: ім паступілі адпаведна 10 і 8 тысяч званкоў. 27 секунд доўжыўся ў сярэднім адзін званок. Калі падсумаваць працягласць усіх званкоў кожнай з птушак, атрымаецца, што тыя былі на сувязі прыкладна 1 300 000 секунд! Або 373 гадзіны.

Пачуць беларускага снегіра, берасцянку, малінаўку і яшчэ галасы семярых птушак захацелі не толькі беларусы. У кампаніі А1 адзначаюць, што паступалі званкі таксама з Украіны, Расіі, Чэхіі, Германіі і ЗША.

Праект «Выйдзі на сувязь з прыродай», распрацаваны ініцыятывай «Крэатон», прыйшоўся па душы беларусам. Сацыяльныя сеткі стракацелі паведамленнямі і каментарамі аб новым сэрвісе: «Што скажаш на гэта, Ілан Маск?», «Нарэшце ў Беларусі ёсць з кім пачырыкаць па тэлефоне», «Увесь вечар з дзецьмі тэлефанавалі птушкам», «Ужо прыслухоўваюся да кожнага знаёмага гуку на вуліцы»…

Надзея НІКАЛАЕВА

Выбар рэдакцыі

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.