На Беларускай АЭС завершаны ўваходны кантроль дастаўленага раней ядзернага паліва, прызначанага для загрузкі ў рэактар першага энергаблока, паведаміла прэс-служба карпарацыі «Расатам».
Цеплавылучальныя зборкі (ЦВЗ) транспарціраваныя ў сховішча свежага ядзернага паліва, дзе будуць знаходзіцца да пачатку загрузкі ў рэактар энергаблоку № 1.
Падчас прыёмкі спецыялісты правяралі суправаджальную дакументацыю, знешні стан кантэйнераў, цэласнасць тэхнічных сродкаў індыкацыі доступу да цеплавылучальных зборак (пломбаў, спецыяльных пламбіруючых балтоў і іншага), ажыццяўлялі інструментальны кантроль ЦВЗ. Па выніках агляду падпісаны акт, які пацвярджае належную якасць паліва.
Уваходны кантроль паліва ажыццяўлялі профільныя спецыялісты Беларускай АЭС у прысутнасці генпадрадчыка — інжынірынгава дывізіёну Дзяржкарпарацыі «Расатам». Кожны этап кантраляваўся супрацоўнікамі Дэпартамента па ядзернай энергетыцы і радыяцыйнай бяспецы Міністэрства па надзвычайных сітуацыях Беларусі (Дзяржатамнагляду).
Нагадаем, што Беларуская АЭС з двума рэактарамі ВВЭР-1200 агульнай магутнасцю 2400 МВт будуецца ў Астраўцы па праекту пакалення 3+, які цалкам адпавядае міжнародным нормам і рэкамендацыям МАГАТЭ па бяспецы. Яе запуск маецца адбыцца ў ліпені.
Ірына СІДАРОК
Прэв'ю: belrynok.by
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
