Вы тут

У сталіцы 27 мая адкрыюць самы працяглы арт-аб’ект


Маляўнічае палатно графіці «#раЗАм» упрыгожыла ў мікрараёне Курасоўшчына Кастрычніцкага раёна сталіцы 350-метровы фасад гаражнага комплексу. Адкрыццё стылізаванага нацыянальным каларытам арт-аб'екта адбудзецца 27 мая ў 15:00 (Мінск, вул. Казінца, 127), паведамілі ў ЦК БРСМ.


У Год малой радзімы такі маляўнічы падарунак раёну ў рамках праекта Мінскай гарадской арганізацыі БРСМ «Мой родны кут» падрыхтавала актыўная моладзь горада. На графіці адлюстравана сувязь пакаленняў беларусаў у класічных вобразах розных узростаў, тут умела спалучаюцца элементы нацыянальнага арнаменту — маладосць, агонь, сям’я, росквіт. Незвычайнае палатно адлюстроўвае традыцыйныя заняткі беларусаў на малой радзіме — сяўбу, сенакос, рыбалку, а таксама святы «Купалле» і «Дажынкі». Не абышлося без гонару айчыннага машынабудавання — вялізнага «БелАЗа», трактара «Беларусь» і камбайнаў. На графіці знайшлі сваё адлюстраванне такія славутасці краіны як Мірскі замак, Касцёл Святога Сымона і Святой Алены (Чырвоны касцёл) у Мінску і інш. У цэнтры карціны — грацыёзны зубр — сімвал Беларусі.

Над стварэннем самага працяглага арт-аб’екта сталіцы працавалі #раЗАм каманда мастакоў у складзе актывістаў БРСМ, мінчукоў Іллі Трускоўскага і Івана Калтовіча.

На роспіс сцяны ў хлопцаў сышло як мінімум тры тыдні і 350 балончыкаў аэразольнай фарбы. Безумоўна, для прамалёўкі дэталяў ім спатрэбіліся і традыцыйныя пэндзлі.

Ідэйным натхняльнікам творчага праекта «#раЗАм» стаў дэпутат Палаты прадстаўнікоў Нацыянальнага сходу Рэспублікі Беларусь, першы сакратар Мінскага гарадскога камітэта БРСМ Сяргей Клішэвіч, які #раЗАм з моладдзю прыме ўдзел у адкрыцці мурала. У мерапрыемстве таксама плануецца ўдзел кіраўніка Кастрычніцкага раёна г. Мінска Генадзя Любатынскага і першага сакратара Цэнтральнага камітэта БРСМ, члена Савета Рэспублікі Нацыянальнага сходу Беларусі Дзмітрыя Варанюка.

Праект «Мой родны кут», разынкай якога сталі графіці, ахапіў усе раёны Мінска. У Год малой радзімы моладзь сталіцы добраўпарадкавала і ўпрыгожыла нямала месцаў.

Так, у Маскоўскім раёне з’явіўся малюнак славянскіх багоў і беларускі арнамент на трансфарматарнай будцы. Раней моладзь добраўпарадкавала двары ў Заводскім і Фрунзенскім раёнах. Там з’явіліся паркоўкі для веласіпедаў, арыгінальная лесвіца з прыступкамі ў выглядзе клавіш фартэпіяна. Мастацкую выяву нанеслі на сцяну гаражнага кааператыва ўздоўж вуліцы.Сцебянёва. Цаглянае палатно даўжынёй больш за 300 метраў было распісана краявідамі беларускай прыроды.

Сяргей РАСОЛЬКА

Прэв’ю: calligraphy-museum.com

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…