02 кастрычніка, пятніца

Вы тут

Фінансісты аб'ядноўваюцца ў барацьбе з пандэміяй


У гэты складаны час работнікі беларускіх банкаў аказваюць усебаковую дапамогу медыкам. Як адзначыў прэс-сакратар Асацыяцыі беларускіх банкаў Павел Сіманаў, на працягу сакавіка—красавіка спецыялісты гэтай арганізацыі выдзелілі сродкі альбо набылі і перадалі ўстановам аховы здароўя Беларусі медыцынскую тэхніку і абсталяванне (у прыватнасці, апараты штучнай вентыляцыі лёгкіх, сістэмы абагравання хворых, дэфібрылятары, пульсаксіметры), сродкі індывідуальнай аховы медыцынскага персаналу і дэзынфекцыі на суму звыш 2,2 млн рублёў.


Банкі і нябанкаўскія крэдытна-фінансавыя арганізацыі аказваюць дапамогу медустановам па ўсёй краіне. У прыватнасці, банкамі пералічана каля 570 тысяч рублёў на дабрачынны рахунак Міністэрства аховы здароўя, які адкрыты ў Рэспубліканскім цэнтры арганізацыі медыцынскага рэагавання. Беларусбанк аказвае падтрымку дзясяткам сталічных і раённых бальніц, Белінвестбанк ажыццявіў бязвыплатную пастаўку 100 тысяч санітарна-гігіенічных масак у 40 медыцынскіх устаноў, банк БелВЭБ закупляе апараты штучнай вентыляцыі лёгкіх і дапамагае бальніцам Віцебскай вобласці, а банк ВТБ (Беларусь) — Беларускаму таварыству Чырвонага Крыжа.

Значную дапамогу аказваюць уласнікі, даччыныя структуры, прафсаюзныя і іншыя грамадскія арганізацыі банкаў. Так, бенефіцыяр МТБанка — СЗАТ «Энерга-Ойл» бязвыплатна перадаў Міністэрству аховы здароўя 10 апаратаў ШВЛ, 50 тысяч тэстаў на каранавірус і 200 тысяч рэспіратараў, адна з даччыных кампаній БПС-Ашчадбанка — апараты ШВЛ, сістэмы абагравання хворых і іншае медыцынскае абсталяванне, а прафкам Пріорбанка штомесяц пералічвае сродкі на дабрачынны рахунак Беларускага прафсаюза работнікаў аховы здароўя.

«Прымаючы пад увагу складаную эпідэміялагічную абстаноўку і ўсведамляючы сацыяльную адказнасць бізнесу, усе беларускія банкі і іншыя арганізацыі фінансавага сектара краіны актыўна ўключыліся і дапамагаюць нашым медыкам у барацьбе з каранавірусам, — адзначыла выконваючая абавязкі старшыні Асацыяцыі беларускіх банкаў Ганна Кавалёва. — І гэтая дапамога будзе працягнутая».

Сяргей КУРКАЧ

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра паход у грыбы, вясковага лавеласа і моўны казус.

Грамадства

Чым здзівілі фіналісты праекта TEDxYouth@Mіnsk?

Чым здзівілі фіналісты праекта TEDxYouth@Mіnsk?

Канферэнцыя прайшла ў анлайн-фармаце на відэасэрвісе VOKA.

Грамадства

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Інтэр'ер для эстраднай зоркі. Глусчане сведчаць, што Філіп Кіркораў заказваў на іх фабрыцы дзверы

Зараз такой фабрыкі няма, але ёсць людзі, якія могуць згадаць гісторыю яе існавання.

Грамадства

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі

У Мінску пасля рэканструкцыі адкрыўся Музей гісторыі камсамола і маладзёжнага руху Беларусі.