Вы тут

МАРГ вызначыў парадак аднясення паслуг да сфер натуральных манаполій


Міністэрства антыманапольнага рэгулявання і гандлю зацвердзіла інструкцыю «Аб аднясенні паслуг да сфер натуральных манаполій». Гэта прадугледжана пастановай МАРГ ад 8 мая 2020 года № 37, якая сёння афіцыйна апублікавана на Нацыянальным прававым інтэрнэт-партале.


Паслуга адносіцца да сферы натуральнай манаполіі ў выпадку, калі яна аказваецца ў сферах, пазначаных у законе «Аб натуральных манаполіях», і выконваецца адна з дзвюх неабходных умоў. Згодна з законам сферамі натуральных манаполій прызнаюцца аэранавігацыйныя паслугі, паслугі аэрапортаў і транспартных тэрміналаў, чыгуначныя перавозкі, транспарціроўка газу па магістральных і размеркавальных трубаправодах, нафты і нафтапрадуктаў — па магістральных, а таксама паслугі па аператыўна-дыспетчарскім кіраванні ў электраэнергетыцы, па перадачы і размеркаванні электрычнай і цеплавой энергіі, цэнтралізаванае водазабеспячэнне і водаадвядзенне.

Да сферы натуральнай манаполіі можа адносіцца паслуга з гэтых галін у выпадку, калі немагчыма стварыць канкурэнтныя ўмовы для фарміравання прапанавання і задавальнення попыту на яе з-за тэхналагічных асаблівасцей вытворчасці і прадастаўлення. Гэта можа быць абумоўлена наяўнасцю ўнікальнай інфраструктуры, сеткавай платформы, спецыфікі тэхналогіі аказання паслугі, правоў на рэзультаты інтэлектуальнай дзейнасці або недастатковай ёмістасцю рынку з улікам існуючых магутнасцей інфраструктуры (тэхнічнай магчымасці).

Паслуга адносіцца да сферы натуральнай манаполіі таксама ў выпадку эканамічнай немэтазгоднасці стварэння канкурэнтных умоў для фарміравання прапанавання і задавальнення попыту з-за тэхналагічных асаблівасцей. Гэта можа быць звязана з наяўнасцю ва ўласнасці або на іншых законных падставах маёмасці і нематэрыяльных актываў, прызначаных для вытворчасці і прадастаўлення паслуг у вызначаных законам сферах, задавальненнем у геаграфічных межах пераважна ўсяго аб'ёму попыту на разглядаемую паслугу або адсутнасцю ўзаемазамяняльных паслуг.

Інструкцыя таксама вызначае, у якіх выпадках паслуга не адносіцца да сферы натуральнай манаполіі. Для гэтага павінна быць выканана адна з умоў. Яна не будзе адносіцца да гэтай сферы, калі ў спажыўца з’явіцца магчымасць карыстацца ўзаемазамяняльнымі (аналагічнымі) паслугамі. Яшчэ адна магчымая ўмова — наяўнасць устойлівай міжвідавой (унутрывідавой) канкурэнцыі, у тым ліку наяўнасць устойлівага незадаволенага попыту на паслугу ў доўгатэрміновай перспектыве пры адсутнасці магутнасцяў (тэхнічнай магчымасці) для задавальнення такога попыту.

Аналіз рынку паслуг у мэтах вызначэння, адносяцца яны да сферы натуральнай манаполіі або не, будзе праводзіць МАРГ з улікам названых крытэрыяў.

Пастанова ўступае ў сілу пасля яе афіцыйнага апублікавання.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…