Выклікам хуткай дапамогі і праваахоўных органаў завяршыўся дзень у адным з дамоў у вёсцы Карзуны. 59-гадовы мужчына вырашыў правесці выхаваўчы ўрок з 35-гадовым сынам. Аднак маралі бацькі не спадабаліся спадчынніку. Як вынік — апошні дастаўлены ў бальніцу з пранікальным раненнем грудной клеткі.
Каля 20 гадзін у дзяжурную частку Чэрвеньскага РАУС паступіла паведамленне ад мясцовага жыхара аб тым, што на парозе суседскай хаты сцякае крывёй мужчына. Неадкладна на дапамогу выбыла хуткая і супрацоўнікі міліцыі.
На месца здарэння аператыўнікі аднавілі ланцужок падзей фатальнага вечара. Як паведамляе аддзяленне інфармацыі і грамадскіх сувязей УУС Мінскага аблвыканкама, на момант канфлікту сваякі знаходзіліся ў алкагольным ап’яненні. Хутчэй за ўсё менавіта гэты факт і паўплываў на трагічны зыход гутаркі паміж мужчынамі. Паводле папярэдніх звестак, бацька раззлаваўся на сына, і ў парыве гневу нанёс удар нажом, прычыніўшы цяжкія цялесныя пашкоджанні. Пасля здзейсненага ўчынку галава сямейства пайшоў з дому, аднак у хуткім часе быў спынены аператыўнікамі.
Пацярпелы знаходзіцца ў бальніцы, яго жыццю і здароўю нічога не пагражае.
Сяргей РАСОЛЬКА
Прэв’ю: yandex.ru
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
