Вы тут

Распачалася рэгістрацыя на «Агульную дыктоўку-2020»


Папулярная сацыяльна-адукацыйная ініцыятыва, якая праходзіць у нашай краіне з 2017 года ў падтрымку беларускай мовы, аб’ядноўвае сотні неабыякавых да сваёй мовы і культуры беларусаў у розных краінах свету — так, летась да яе далучыліся ўдзельнікі з ЗША, Польшчы, Расіі і Украіны. Сёлета «Агульная дыктоўка» пройдзе ў новым фармаце — дыстанцыйна.


Напісаць дыктоўку можна будзе 6 чэрвеня а 12 гадзіне, прычым толькі анлайн, у прамым эфіры на YouTube. Для гэтага трэба папярэдне (да 4 чэрвеня ўключна) зарэгістравацца на сайце арганізатараў і атрымаць спасылку на трансляцыю. Правярацца дыктанты будуць таксама дыстанцыйна, па сканах і фотаздымках.

Тэмай дыктоўкі, паведамляецца на старонцы рэгістрацыі, стануць традыцыі і карані, каштоўнасці, якія нас аб’ядноўваюць.

Акцыя 2020 года мае і яшчэ адну важную адметнасць — дабрачынны кірунак. За кожнага ўдзельніка дыктоўкі брэнд «Лідскае піва» пералічыць 5 рублёў на дабрачынны рахунак Міністэрства аховы здароўя, а па выніках праекта дадатковы перавод будзе зроблемы за кожную работу, напісаную на 9 і 10 балаў. Напрыклад, калі зарэгіструюцца 860 чалавек і ўсе яны напішуць дыктант, кампанія пералічыць у падтрымку медыкаў сама меней 4300 рублёў.

Вікторыя ЗАХАРАВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…