Вы тут

Прэзідэнт: Нам ні ў якім выпадку нельга страціць людзей


Аляксандр Лукашэнка прыняў з дакладам Кіраўніка справамі Прэзідэнта Віктара Шэймана.


Беларускі лідар падкрэсліў, што яго перш за ўсё цікавіць сітуацыя ў падведамасных Упраўленню справамі прадпрыемствах, на дзейнасць якіх уплываюць эканамічныя наступствы пандэміі новага каранавірусу. Размова ідзе больш чым пра 100 арганізацый, размешчаных на тэрыторыі і за межамі Беларусі.

У падпарадкаванні Упраўлення справамі Прэзідэнта знаходзяцца чатыры Нацыянальныя паркі — «Белавежская пушча», «Нарачанскі», «Прыпяцкі», «Браслаўскія азёры», а таксама Бярэзінскі біясферны запаведнік, у якіх праводзіцца вялікая прыродаахоўчая праца, ствараецца сучасная інфраструктура і аказваюцца турыстычныя паслугі еўрапаейскага ўзроўню, сказана на інтэрнет-партале ведамства. А яшчэ — санаторыі ў Расіі і Прыбалтыцы, сталічныя гасцінічныя комплексы «Прэзідэнт-гатэль», «Мінск», «Планета», «Юбілейны», аўтатранспартная ўстанова «Белтрансспецаўта», кампанія «Белмастацпромыслы», Палац Рэспублікі, Рэспубліканскі культурна-асветніцкі цэнтр, БелЭкспа, сельскагаспадарчыя арганізацыі. У аператыўным кіраванні Упраўлення справамі Прэзідэнта Рэспублікі Беларусь знаходзяцца каля 400 адміністрацыйных і грамадскіх будынкаў.

«Не ў кожнага міністра столькі прадпрыемстваў, — заўважыў Прэзідэнт. — Гэта працоўныя калектывы, тысячы людзей, якія пазіцыянуюць сябе з Прэзідэнтам».

Аляксандр Лукашэнка пацікавіўся, якая там сітуацыя, дзе яна найбольш напружаная, і якія Кіраўнік справамі бачыць негатыўныя тэндэнцыі.

«Нам ні ў якім выпадку нельга страціць людзей, — падкрэсліў Прэзідэнт. — Кіраўніцтва справамі — тут і бог наказваў, каб не было праблем… Трэба падтрымаць іх хоць бы пару месяцаў, пакуль адновіцца эканоміка ў свеце... Думаю, за пару-тройку месяцаў эканоміка запрацуе. Суседзі пачнуць прыязджаць. Але думаю, гэтыя некалькі месяцаў працоўныя калектывы трэба падтрымаць».

Беларускі лідар дадаў, што размова ідзе пра падтрымку не ўсіх агулам, а тых, хто найбольш пацярпеў з аб’ектыўных прычын — з-за зніжэння турыстычных патокаў ва ўмовах каранціну ў многіх краінах.

Вольга МЯДЗВЕДЗЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…