Вы тут

Чыста там, дзе не смецяць


Падчас прамой тэлефоннай лiнii старшынi Мiнскага гарадскога Савета дэпутатаў Андрэя Бугрова мiнчане ўзнялi тэму добраўпарадкавання i чысцiнi дваровых тэрыторый сталiцы.


Андрэй Бугроў у той дзень атрымаў амаль 30 званкоў ад гараджан. Яны задавалi розныя пытаннi, закраналi i традыцыйныя праблемы жыллёва-камунальнай гаспадаркi, iншыя аспекты жыцця вялiкага горада. Зразумела, кожны запыт узяты на кантроль, ён будзе разгледжаны спецыялiстамi гарадскiх службаў i арганiзацый.

Па вынiках размовы з мiнчанамi ў гарадскiм Савеце асаблiвую ўвагу вырашылi звярнуць на ўзнятыя пытаннi добраўпарадкавання праспектаў i вулiц сталiцы, чысцiнi дваровых тэрыторый, увогуле iх азелянення. У прыватнасцi, адным заяўнiкам была выказана прэтэнзiя, што ў асобных дварах мала высаджваюць дрэў i дэкаратыўных кустоў.

Вiдаць, калi гэта так, то мы маем хутчэй справу з выключэннем. За апошнiя два-тры гады ў Мiнску зроблена вельмi шмат для азелянення як самiмi гараджанамi, так i Мiнскзелянбудам i яго раённымi структурнымi падраздзяленнямi.

На думку Андрэя Бугрова, такая «зялёная» палiтыка будзе i надалей працягнута гарадскiмi ўладамi. Бо ад гэтага ў многiм залежыць якасць жыцця i цяперашнiх мiнчан, i наступных пакаленняў. А дастойнае зялёнае асяроддзе толькi спрыяе камфортнаму жыццю людзей. Невыпадкова Мiнск заслужана вылучаецца сярод iншых вялiкiх гарадоў планеты сваёй архiтэктурай, добраўпарадкаванасцю, бяспекай i чысцiнёй.

Але, як вядома, чыста там, не дзе прыбiраюць, а там, дзе не смецяць. У гэтым сэнсе своечасовы i актуальны быў званок з патрабаваннем узмацнiць адказнасць за выкананне правiлаў утрымання хатнiх жывёл.

— Такiя несур'ёзныя паводзiны асобных мiнчан непакояць i дэпутатаў гарсавета. Бо кожнаму гаспадару хатняй жывёлы трэба выконваць увогуле нескладаныя санiтарна-гiгiенiчныя нормы ўтрымання сабак i правiлы iх выгулу ў горадзе. А за iх парушэнне адказваць. На мой погляд, узмацненне адказнасцi тут бачыцца правiльнай мерай. Дэпутаты гарсавета мяркуюць уважлiва разгледзець гэтае пытанне, — гаворыць Андрэй Бугроў.

Але ў гарсавеце не збiраюцца вырашэнне праблемы зводзiць толькi да павышэння мер пакарання за невыкананне вышэйзгаданых нормаў i правiлаў, складання пратаколаў участковымi, выпiсвання штрафаў. Лiдар дэпутацкага корпуса сталiцы лiчыць, што тут можа больш актыўна праявiць сабе грамадскасць горада, iх аб'яднаннi, пункты аховы правапарадку.

Леанiд Тугарын

Выбар рэдакцыі

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.

Грамадства

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Першае i галоўнае правiла — яшчэ дома вызначыцеся з тым, што вам трэба.