Дзяцей і падлеткаў запрашаюць у арт-майстэрні «Нясумныя канікулы»

Нацыянальны цэнтр мастацкай творчасці дзяцей і моладзі дае старт маштабнаму трансмедыяпраекту «Нясумныя канікулы». На адукацыйнай платформе «Moodle» пачынаюць працаваць дзевяць анлайн арт-майстэрняў, якія ўяўляюць сабой адукацыйны і творчы комплекс займальных заняткаў па розных напрамках мастацкай творчасці: вакал, харэаграфія, дэкаратыўна-прыкладная творчасць, мультыплікацыя і выяўленчае мастацтва.

Кожны з курсаў уключае тэарэтычныя і практычныя заняткі для дзяцей розных узростаў.

Увазе дзяцей і падлеткаў прапануюцца:

• Курс «Курыца Раба. Лепка. Кераміка» для пачаткоўцаў-керамістаў.
• Міні-курс «Грацыя» для развіцця гнуткасці і ўмацавання цягліц цела.
• Курс «Беларускія дзіцячыя забавы і гульні» па вывучэнні дзіцячага беларускага фальклору.
• Курс «Твой лялечны тэатр» па стварэнні мабільнага хатняга пальчаткавага тэатра.
• Курс «БуМагія» па вырабе кветак з паперы і фларыстычным дэкоры з папяровых кветак.
• Курс «Падарожжа ў краіну Спеваў» па вакале для пачаткоўцаў.
• Курс «Мультыплікацыя» па стварэнні мультфільма ў тэхніцы стоп-моўшн.
• Курс «Маляванка-набіванка» па дызайне і ўпрыгожванні летніх аксэсуараў: бандан, торбаў, футболак.
• Курс «Незнаёмая планета» па выяўленчым мастацтве з выкарыстаннем нетрадыцыйных мастацкіх тэхнік: выдзіманне, прадзіранне, абрыванне паперы.

Каб выбраць сабе занятак па душы, трэба перайсці на сайт Нацыянальнага цэнтра мастацкай творчасці дзяцей і моладзі (па спасылцы).

Надзея НІКАЛАЕВА