Вы тут

Міністэрства адукацыі запускае анлайн-акцыю «Дзякуй, настаўнік, дзякуй, школа!»


Выпускнікам навучальных устаноў прапануюць прыняць удзел у цікавых флэшмобах, займальных чэленджах, крэатыўных марафонах і лайф-актыўнасцях і падзякаваць сваіх настаўнікаў за іх цярпенне, працу і веды, атрыманыя ў школе.


ФЛЭШ-МОБ «ПОСТ УДЗЯЧНАСЦІ»

Кожны выпускнік, які мае акаунт у Instagram, можа выказаць словы ўдзячнасці і расказаць пра сваіх настаўнікаў.

Што трэба зрабіць?

  • прыгадаць любімага настаўніка;
  • знайсці цікавыя фатаграфіі са школьнага жыцця або запісаць кароткае відэа;
  • напісаць словы падзякі сваім настаўнікам ці зняць відэа;
  • дадаць хэштэгі #дзякуйнастаўнік, #дзякуйшкола;
  • адзначыць на фота сваіх аднакласнікаў, настаўнікаў, акаунт школы;
  • выкласці пост у Instagram.

Найлепшыя пасты будуць апублікаваныя ў афіцыйным Instagram-акаўнце Міністэрства адукацыі.


YouTube-АКТЫЎНАСЦЬ «ДЗЁННІК ПАЖАДАНЯЎ»

Даўняй традыцыяй у выпускнікоў было пакідаць пажаданні адзін аднаму: на выпускных стужках, у фотаальбомах або дзённіках. Арганізатары акцыі прапануюць стварыць YouTube-каналы сваіх класаў і на іх весці «Дзённікі пажаданнаў».

Што трэба зрабіць?

  • зарэгістраваць YouTube-канал;
  • назваць яго «Дзённікі пажаданняў, нумар школы, горад ці населены пункт»;
  • зняць кароткае відэапажаданне і выкласці яго на YouTube-канал;
  • спасылку на свой YouTube-канал адправіць на электронную пошту nchtdm@nchtdm.by

Самыя цікавыя і крэатыўныя відэапажаданні будуць размешчаны на афіцыйным Маладзёжным YouTube-канале «ON!».


ЛАЙФ-ФОТА «ВЫПУСК 2020»

Вядзі прамую трансляцыю ў выглядзе лайф-фота ў сваім акаўнце ў сацыяльных сетках.

Што трэба зрабіць?

  • зрабіць жывое фота або сэлфі са сваім класам і настаўнікамі на фоне школы;

  • далучыць да яго хэштэг #выпуск2020, #дзякуйнастаўнік, #дзякуйшкола;

  • імгненна размясціць яго на старонцы ў любой з сацыяльных сетак «УКантакце», Instagram, «Аднакласнікі» ці Facebook.

Па выніках акцыі лепшыя фота будуць размешчаныя на афіцыйных старонках у сацыяльных сетках Міністэрства адукацыі.


МУЗЫЧНЫ ЧЭЛЕНДЖ «МАЛАДОСЦЬ У КІШЭНІ»

Усім выпускнікам 2020 года прапануюць праспяваць песню гурта NaviBand «Маладосць у кішэні».

Што трэба зрабіць?

  • знайсці тэкст песні «Маладосць у кішэні» і фанаграму на афіцыйным сайце гурта NaviBand;
  • усім класам праспяваць гэтую песню (можна праявіць фантазію і прыдумаць сюжэт для відэа);
  • зняць усе на відэа;
  • гатовае відэа выкласці ў Instagram з хэштэгамі #выпуск2020, #дзякуйнастаўнік, #дзякуйшкола, #маладосцьукішэні.

Лепшыя работы будуць размешчаны на афіцыйных старонках Міністэрства адукацыі ў сацыяльных сетках і Telegram-канале ведамства.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.