Вы тут

Душа спявае пра Радзіму


У інтэрнэце ёсць відэазапіс новай песні “Ода Беларусі” кампазітара Сяргея Ціханава на верш Станіслава Валодзькі. Яе выконвае мінскі гурт “Бацька Атаман”.


Браслаўшчына. Возера Снуды. Проста душа спявае.

Паэтычная творчасць Станіслава Валодзькі даўно вядомая, вершы пайшлі ў народ — мноствам песень. Гучаць яны і на розных імпрэзах у беларускіх суполках замежжа. Час ад часу ўраджэнец Астравеччыны, які актыўна далучаны да шматплыннага беларускага жыцця ў Даўгаўпілсе, дасылае ў рэдакцыю “Голасу Радзімы” новыя песні, што з’яўляюцца ў садружнасці з рознымі кампазітарамі.

Нядаўна Станіслаў, з якім у нас даўняя творчая супраца, падзяліўся тэкстам “Ода Беларусі” ды спасылкай на новую песню. А ў хуткім часе па нашай просьбе даслаў невялічкі тэкст пад назвай “Песня збліжае людзей”. “Аднойчы ў магазіне заспела мяне тэлефанаванне: Сяргей Ціханаў з‑пад Мінска павядоміў, што, напаткаўшы ў інтэрнэце мой верш “Ода Беларусі”, паклаў яго на музыку,— піша зямляк.— Чым вельмі парадаваў мяне. Неўзабаве ён даслаў відэазапіс песні ў сваім выкананні. Песня прыйшлася да душы спеваку з Вісагінаса Сяргею Шабадалаву, і ён адкрываў ёй канцэрты на штогадовым Свяце беларускай песні ў Літве. Якое — рухомае. Так што гучала “Ода Беларусі” ў Швянчонісе, Шальчынінкаі ды Вісагінасе, паспяхова выступаў з ёй Сяргей на імпрэзах у іншых гарадах Латвіі, у Мінску”.

Добрыя песні — разыходзяцца па свеце. І вось праз сацсеткі паэту даслаў вітанне Уладзімір Куксянкоў, кіраўнік гурта “Бацька Атаман” з Мінска. Паведаміў: ад Сяргея Ціханава гурт узяў у рэпертуар песню “Ода Беларусі”. А нядаўна ў нэце з’явіўся запіс песні. З пазнакай, што “Ода Беларусі” гучала 9 Мая на радыё Беларусь 1 і прысвячалася 75‑годдзю Вялікай Перамогі.

Прыгожы відэасюжэт, зроблены пад песню, цяпер можна паслухаць-паглядзець, падказвае Станіслаў Валодзька, на сайце Амбасады Беларусі ў Латвіі. Адкрываем там раздзел “Беларусы Латвіі”, знаходзім рубрыку “Навіны беларускіх таварыстваў”, слухаем, глядзім — і падпяваем! А душы ў гэтым праекце ўкладзена вельмі шмат. Чуллівыя сэрцы беларускія адгукаюцца на словы, мелодыю, пейзажы родныя — вокамгненна. Дзякуй усім, хто спявае Оду Беларусі!

Іван Іванаў

Нумар у фармаце PDF

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.