Вы тут

Як вёска-прывід пад Мінскам дажывае свае апошнія дні


Вёскі Шабаны афіцыйна няма два месяцы. 31 сакавіка адпаведным рашэннем Мінскі раённы Савет дэпутатаў скасаваў яе існаванне. Але «прыгаворана» яна была куды раней, яшчэ ў 1970-х. Тады зусім пад бокам у прамзоне пачала будавацца магутная станцыя аэрацыі, якой паводле санітарных нормаў не належыць мець суседства з жылымі масівамі.


Тая прамзона і цэлы сталічны мікрараён якраз і запазычылі назву вёскі, вядомай сама меней з XVII стагоддзя. Цяпер тапонім Шабаны добра вядомы ўсім мінчанам менавіта як раён за кальцавой дарогай.

На працягу трыццаці гадоў павольна зносіўся домік за домікам. У 1999 годзе, паводле перапісу насельніцтва, у Шабанах жылі 19 чалавек. У звестках 2009 года дадзеныя ўжо адсутнічаюць. А людзі жывуць там і дагэтуль, але, як кажуць, на чамаданах. Новае жыллё апошнім жыхарам ужо выдзеленае, сцвярджае мясцовая жыхарка Ніна Сямёнаўна. «Чакаем, пакуль гараж дабудуюць. І адразу паедзем». Але прыгадаць назву новай малой радзімы яна не змагла, скардзячыся на дрэнную памяць: «Памятаю, што далёка-далёка, аж за аэрапорт».

Зараз Шабаны, за выключэннем чатырох апошніх падворкаў, нагадваюць сапраўдную вёску-прывід. Такія пейзажы, пэўна, сустракаюцца ў адселенай зоне адчужэння. Уздоўж колішняй галоўнай вясковай вуліцы цягнуцца рэшткі драўляных платоў, руіны дамоў з бярвення і цэглы. Сустракаюцца закінутыя гаспадарчыя пабудовы, калодзежы і ржавыя калонкі. З боку сталіцы да вёскі вядзе занядбаны асфальт. Дагэтуль растуць пладовыя фруктовыя дрэвы, якія раней абкружалі жылыя дамы.

Землі колішняй вёскі Шабаны аднеслі да аграгарадка Новы Двор.

Ніна Сямёнаўна.

Дзмітрый Суганяеў

Фота аўтара

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.