Вы тут

Што змянілася ў Беларусі 1 чэрвеня


Падаражэюць гарачая вада і ацяпленне

Тарыфы на цеплазабеспячэнне (ацяпленне і падагрэў вады) павялічацца ў новым месяцы з 18,4831 да 20,6216 рубля за 1 Гкал.

Эканамічна абгрунтаваны тарыф на гэтыя паслугі таксама вырасце — з 88,99 да 92,25 рубля за 1 Гкал. Тарыфы ў Беларусі павышаюцца планава, двойчы на год.

Вырастуць тарыфы на электрычнасць

Тарыфы на электраэнергію павялічацца і для ўладальнікаў прыватнага жылля, і для жыхароў шматкватэрных дамоў.

Цэннік павысіцца па ўсіх трох тарыфах:

  • аднаставачны: з 1 чэрвеня вырасце з 0,0809 да 0,0834 рубля за 1 кВт∙гадзіну;
  • дыферэнцыяваны: з 23:00 да 06:00 тарыф будзе складаць 0,0584 рубля, а ў астатні час сутак — 0,1084 рубля за 1 кВт·г. Да 1 чэрвеня гэтыя лічбы складалі 0,0566 і 0,1052 адпаведна;
  • спецтарыф на ацяпленне (з устаноўкай дадатковага лічыльніка) — з 1 чэрвеня павялічыцца з 0,0335 да 0,0374 рубля за 1 кВт·г.

Даражэюць цыгарэты

У пачатку лета ў Беларусі падаражэюць 77 марак цыгарэт: 2 — якія вырабляюцца фабрыкай «Нёман», 8 — ТАА «Тытунь-інвест», 42 — ТАА «Інтэр Табака», 20 — якія імпартуюцца дзяржпрадпрыемствам «Беларусьгандаль», 5 — СЗАТ «Энерга-Оіл». Мінімальны рост коштаў на асобныя маркі цыгарэт у чэрвені складзе 2 капейкі, максімальны — 25 капеек.

У чэрвені ў продажы з’явяцца новыя цыгарэты.

Вырастуць пошліны на нафту

Экспартныя пошліны на нафту і нафтапрадукты, якія вывозяцца за межы мытнай тэрыторыі ЕАЭС, павялічацца.

Такое рашэнне прыняў Саўмін. Стаўка пошліны на сырую нафту вырасце з 6,8 да 8,3 долара за тону, прамагонны бензін — з 3,7 да 4,5 долара за тону, а на таварныя бензіны, лёгкія і сярэднія дыстыляты — з 2 да 2,4 долара за тону.

Такая ж пошліна (2,4 долара за тону) усталяваная ў дачыненні да дызельнага паліва, бензолу, талуолу, ксілолу, змазачных і іншых маслаў.

Вяскоўцы змогуць зняць грошы з картак праз касу крамы

Вяскоўцы і жыхары малых гарадскіх паселішчаў, у якіх ёсць банкаўскія карткі, змогуць здымаць грошы праз касы мясцовых арганізацый і індывідуальных прадпрымальнікаў, якія гандлююць у сельскай мясцовасці або аказваюць тут паслугі насельніцтву. Праўда, не з 1, а з 5 чэрвеня.

Пры гэтым сума наяўных, якую можна выдаць трымальніку карткі ў рамках адной аперацыі, не павінна перавышаць 5 базавых велічынь уключна (135 рублёў).

Пры гэтым выдача наяўных у крамах па картках будзе правам, а не абавязкам арганізацый гандлю і сэрвісу.

За паркоўку на зялёных зонах стануць штрафаваць

Новая мера адказнасці для аўтааматараў уводзіцца ў сталіцы. Тым з іх, хто паркуецца на зялёных зонах, з 1 чэрвеня пачнуць выстаўляць рахункі.

Прычым парушальнікі заплацяць двойчы — штраф за парушэнне ПДР плюс пакрыццё шкоды за пашкоджаны газон.

Адкрываюцца дзіцячыя лагеры

Дзіцячыя лагеры ў школах пачнуць працаваць з 1 чэрвеня. Лік месцаў у іх будзе залежаць ад колькасці жадаючых.

Мабільны аператар А1 унясе змены ў працу

З 1 чэрвеня аператар мабільнай сувязі A1 закрые некаторыя тарыфныя планы і падыме абаненцкую плату. У прыватнасці будзе спынена абслугоўванне на некаторых архіўных тарыфных планах: лінейка «Хіт», «Прэстыж», «Разам», «Wi-Fi» і іншыя. Замест гэтага карыстальнікаў перавядуць на тарыфныя планы лінейкі «Комбі», а таксама тарыфы лінейкі «VOKA ТБ». Акрамя таго, у сярэднім на 3,5 % павялічыцца абаненцкая плата на тарыфных планах лінейкі «Хатні», тарыфе «Інтэрнэт 70», а таксама тарыфах «VOKA ТБ».

Пры жаданні можна будзе самастойна перайсці на любы тарыфны план новай лінейкі «Комбі». Змены па некаторых тарыфных планах фіксаванай сувязі закрануць таксама і карпаратыўных кліентаў А1.

Усе фота: pixabay.com

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.