Пад Гродна Ford ўляцеў у дрэва, загінуў 17-гадовы пасажыр

Непаўнагадовы пасажыр загінуў пры сутыкненні легкавушкі з дрэвам ў Гродзенскім раёне, паведамілі ў прэс-службе МУС.

Аварыя адбылася 30 мая, каля 05:20, на аўтадарозе Гожа — Цыдовічы — Агароднікі. Устаноўлена, што 24-гадовы кіроўца Ford не справіўся з кіраваннем і выехаў за межы праезнай часткі, дзе аўтамабіль урэзаўся ў дрэва.

У выніку ДТЗ 17-гадовы пасажыр легкавушкі ад атрыманых траўмаў памёр на месцы здарэння. Яшчэ два пасажыры (14-гадовая дзяўчынка і 21-гадовы хлопец) з цялеснымі пашкоджаннямі шпіталізаваныя.

Высветлілася, што кіроўца Ford не меў права кіравання і знаходзіўся ў стане алкагольнага ап’янення.