У большасці рэгіёнаў Беларусі скончылася забарона на лоўлю рыбы

Нераст — толькі ў сома, нагадалі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.

У пяці абласцях Беларусі, за выключэннем Віцебскай, скончылася нераставая забарона на лоўлю ўсіх відаў рыбы. З 19 мая ў Брэсцкай і Гомельскай абласцях, а з 31 мая — у Мінскай, Магілёўскай і Гродзенскай можна рыбачыць з лодкі, з заходам ваду, выкарыстоўваць адначасова некалькі прыладаў, займацца тролінгам і падводным паляваннем. Таксама ў гэтых рэгіёнах дазволена здабыча рака. У Віцебскай вобласці забарона будзе доўжыцца па 8 чэрвеня ўключна.

Пазней за іншых насельнікаў беларускіх вадаёмаў нерастуе толькі еўрапейскі сом, якому для нерасту неабходны добры прагрэў вады. Лоўля сома забаронены ў Брэсцкай і Гомельскай абласцях з 19 мая па 20 чэрвеня, ва ўсіх астатніх — з 31 мая па 1 ліпеня. Незаконная здабыча адной асобіны сома падчас забароны абыйдзецца парушальнікам у 12 базавых велічынь або (324 рублі).

Сяргей РАСОЛЬКА