Вы тут

З пачатку года пасажыры БЧ аформілі больш за 682 тысячы электронных білетаў


На афіцыйным інтэрнэт-сайце Беларускай чыгункі ў адзіным раздзеле «Паслугі пасажырам» (pass.rw.by) за пяць месяцаў аформлена каля 351 тысячы праязных дакументаў (білетаў), а таксама ў мабільным дадатку «БЧ. Мой цягнік» набыта амаль 179 тысяч білетаў на цягнікі з нумараванымі месцамі.


З укараненнем Беларускай чыгункай новых рэсурсаў па продажы праязных дакументаў у пасажыраў з’явілася магчымасць набываць электронныя квіткі на цягнікі рэгіянальных ліній эканом класа і гарадскіх ліній (з ненумераванымі месцамі). Так, за пяць месяцаў гэтага года ў адзіным раздзеле «Паслугі пасажырам» і мабільным дадатку «БЧ. Мой цягнік» на гэтыя цягнікі рэалізавана больш за 152 тысяч электронных білетаў.

Асаблівасцю раздзела «Паслугі пасажырам» з’яўляецца магчымасць афармлення праязных дакументаў непасрэдна пры праглядзе раскладу без неабходнасці пераключэння на іншыя рэсурсы. Сайт адаптаваны для выкарыстання як на стацыянарных (дэсктопных), так і мабільных прыладах. Абодва рэсурсы падтрымліваюць рускую, беларускую і англійскую мовы.

Афіцыйнае мабільнае прыкладанне Беларускай чыгункі «БЧ. Мой цягнік» даступна для бясплатнай запампоўкі карыстальнікам смартфонаў і планшэтаў на платформах Android і iOS.

З улікам пашырэння магчымасці выкарыстання сучасных інтэрнэт-сэрвісаў па рэалізацыі электронных білетаў на Беларускай чыгунцы з 15 чэрвеня інтэрнэт-рэсурс poezd.rw.by спыняе сваю работу, паведамілі ў прэс-цэнтры магістралі.

Для ўваходу ў адзіны раздзел «Паслугі пасажырам» і мабільны дадатак «БЧ. Мой цягнік» карыстальнікам, раней зарэгістраваным на сайце poezd.rw.by, неабходна выкарыстоўваць рэгістрацыйныя дадзеныя свайго ўліковага запісу.

Беларуская чыгунка працягвае працу па развіцці электронных сэрвісаў.

Сяргей РАСОЛЬКА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.