Вы тут

У Ратамцы адкрылася суперсучасная дашкольная ўстанова


У Дзень абароны дзяцей, 1 чэрвеня, у аграгарадку Ратамка Мiнскага раёна адкрыў свае дзверы для маленькiх наведвальнiкаў сучасны дзiцячы сад № 2. Пабудавала яго кампанiя «А-100».


Падчас урачыстай цырымонii сiмвалiчную стужку перарэзалi старшыня Мiнаблвыканкама Аляксандр Турчын, памочнiк Прэзiдэнта — iнспектар па Мiнскай вобласцi Iгар Яўсееў i старшыня назiральнага Савета групы кампанiй «А-100» Аляксандр Цэнтар.

Пасля ўрачыстасцяў загадчыца дашкольнай установы Таццяна Трыгубовiч запрасiла гасцей азнаёмiцца з умовамi, у якiх будуць жыць i выхоўвацца малыя. А гэтыя ўмовы сапраўды паспрыяюць духоўнаму, фiзiчнаму i эстэтычнаму развiццю выхаванцаў.

Ратамскi дзiцячы сад № 2 разлiчаны на 230 малых. Займацца яны будуць у дванаццацi групах у залежнасцi ад узросту. У тым лiку дзве групы прызначаны для дзяцей ад 2 да 3 гадоў.

У кожнай групы ёсць сваё асобнае памяшканне. Прадугледжаны таксама актавая i музычная залы, кабiнеты дэфектолага i псiхолага, рэсурсны цэнтр полiкультурнага выхавання, пункт карэкцыйна-педагагiчнай дапамогi, метадычны кабiнет, медыцынскi i харчавальны блокi. У спартыўнай зале ўсталявана спецыяльная сцяна для заняткаў альпiнiзмам.

Для дзяцей з асаблiвасцямi псiхафiзiчнага развiцця створана безбар'ернае асяроддзе. Без перашкод перасоўвацца па будынку iм дапамогуць лiфт, шырокiя дзверы, поручнi i пандусы. Сiстэма вiдэаназiрання дазваляе кантраляваць усю тэрыторыю, якая прылягае да будынка. Яна, дарэчы, агароджана, а ўваход будзе ажыццяўляцца ў трох месцах праз спецыяльныя вiдэадамафоны.

Садок знаходзiцца ў раёне жылога квартала Пiрс, пабудаваным у прыбалтыйскiм стылi. Установу вылучаюць незвычайны фасад i ўнутранае афармленне, ярка выражаная марская стылiстыка. Водная тэма прысутнiчае i ў iнтэр'еры ўстановы. Пакоi для кожнай групы выкананы ў розных колеравых гамах: колеру марской хвалi, насычанага жоўтага сонечнага, светлага блакiтнага неба i колеру сiняга мора. На сценах намаляваны хвалi, пузыркi, падводныя героi, пляж, маякi, выратавальныя сродкi. Дзецi змогуць падарожнiчаць па моры, вывучаць яго флору i фаўну. А гэта, бясспрэчна, дапаможа развiваць нестандартнае творчае мысленне.

На вулiцы для дзяцей ёсць гульнявыя пляцоўкi з драўлянымi ценявымi навесамi, прарызiненае бяспечнае пакрыццё, невялiкiя градкi, дзе яны змогуць вырошчваць агароднiну або зелянiну.

Таццяна ЛАЗОЎСКАЯ

Фота: mlyn.by

Загаловак у газеце: Садок колеру марской Хвалi

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.