Вы тут

Кліентка ўдарыла таксіста малатком па галаве, каб выкрасці выручку


54-гадовая жыхарка Гомеля выклікала таксі, каб даехаць з абласнога цэнтра ў адну з вёсак Гомельскага раёна. Першапачаткова пасажырка паводзіла сябе адэкватна.


Але на пад’ездзе да месца прызначэння жанчына раптоўна ўдарыла кіроўцу па галаве малатком, паведамляе МУС.На шчасце, удар быў слабы. Мужчына хутка зарыентаваўся: адабраў у пасажыркі прыладу нападу, выклікаў міліцыю і ўтрымліваў зламысніцу да прыезду следча-аператыўнай групы.

Па словах затрыманай, ёй патрэбныя былі грошы. Жанчына вырашыла, што самы просты спосаб хутка разбагацець — адабраць выручку ў таксіста. Злачынства яна спланавала загадзя, спецыяльна ўзяўшы з сабой малаток.

Дзеянням гамяльчанкі следчымі дадзена прававая ацэнка, распачата крымінальная справа за разбой. Фігурантка раней неаднаразова судзімая за маёмасныя злачынствы, нідзе не працуе.

Сяргей РАСОЛЬКА

Прэв'ю: business-planner.ru

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».