Без своечасовых падкормак аддача ад агуркоў будзе мінімальная. Таму правільнае фарміраванне завязяў шмат у чым залежыць ад «паставак» мінеральных і арганічных угнаенняў. У першую чаргу агуркі маюць патрэбу ў азоце. Потым, калі зацвітаюць, — у фосфары. Падчас масавых збораў дадайце яшчэ і калій.
Колькі разоў угнойваць агуркі?
Дасведчаныя агароднікі ўносяць угнаенні невялікімі дозамі, але кожныя два тыдні. Калі на гэта няма часу, не хвалюйцеся: прыстойны ўраджай можна сабраць і пасля трох-чатырох падкормак.
1. Праз два тыдні пасля пасеву насення (калійна-азотная).
2. Калі пачнецца цвіценне (калійна-азотная з магніем і борам).
3. Калі пачынаецца плоданашэнне (аналагічная другой падкормцы).
4. У другой палове плоданашэння, каб павялічыць яго працягласць (комплекснае ўгнаенне з асноўнымі элементамі сілкавання).
Парада: Калі глеба на вашым участку бедная, то акрамя гэтых падкормак дайце раслінам і паміж імі комплексныя ўгнаенні. Не забываючы своечасова паліваць градку.
Першая падкормка
Расаду агуркоў падкормліваюць пасля з'яўлення двух лісточкаў мачавінай па лістоце (1 ч. лыжка на 1 л вады). Не праводзяць падкормку ў спякоту, бо яна можа выклікаць апёкі лістоты.
Глеба ў цяпліцы павінны быць угноена, для чаго перад высадкай расады або пасевам насення ўносяць пад перакопку 1,5 ст. лыжкі аміячнай салетры, 1 ст. лыжку сернакіслага калію, 1 запалачны карабок суперфасфату.
Другая падкормка
Яе праводзяць праз два-тры тыдні пасля першай, то-бок, калі агуркі зацвітаюць. Перад падкормкай добра паліваюць граду цёплай вадой. Лепш за ўсё выкарыстоўваць настой каравяку або птушынага памёту. Курыны нават лепш, бо ў ім у тры разы больш фосфару, чым у каравяку. Настойваюць угнаенне не менш як тры дні.
На кожныя 10 л раствору дадаюць паўшклянкі суперфасфату або 0,5 кг попелу.
Трэцяя падкормка
Звычайна, калі агуркі пачынаюць плоданашэнне, агароднікі расслабляюцца. Але гэта памылка: агуркі ў гэты час маюць патрэбу ва ўгнаеннях больш за ўсё. Выкарыстоўваць можна або настой травы, або мінеральныя ўгнаенні. Для гэтага на 10 л вады бяруць 2 ст. лыжкі калійнай салетры або 5 ст. лыжак мачавіны.
Ірына ТАМКОВІЧ
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.