Вы тут

Музей МУС займеў свой сайт


У маі гэтага года ўласны сайт займеў музей Міністэрства ўнутраных спраў. Віртуальная пляцоўка месціцца па адрасе: museum.mia.by.


Цяпер наведаць экспазіцыю аддалена можна ў літаральным сэнсе гэтага слова. Справа ў тым, што на сайце музея рэалізавана магчымасць 3D-тура — вы можаце падарожнічаць па яго залах, седзячы перад экранам манітора. Асабліва гэта важна цяпер, калі з-за распаўсюджвання каранавіруса работа музеяў у нашай краіне часова прыпынена.

Фонд музея складаюць фотакопіі арыгіналаў дакументаў, архіўных фотаздымкаў, здымкі табельнай і канфіскаванай зброі, знакаў адрознення і ўзнагарод, асабістых рэчаў, рэчавых доказаў, службовай тэхнікі...

Сярод прадстаўленых выяў экспанатаў ёсць і вельмі цікавыя. Напрыклад, у раздзеле «Рэчавыя доказы» ёсць здымак фальшывага савецкага пашпарта, датаванага 1970 годам. Выдадзены ён на імя Луны Артура Аганесавіча. На тое, што пасведчанне асобы падробленае, паказваюць дзве рэчы. Па-першае, яго ўладальнік нібыта нарадзіўся ў горадзе Нікалаеве Хабараўскага краю, а такога населенага пункта ў тым рэгіёне ніколі не было. А па-другое, нацыянальнасць грамадзяніна Луны пазначана як «марсіянін».

А сярод асабістых рэчаў міліцыянераў увагу прыцягвае швейцарскі гадзіннік Paul Moser. Ён быў падораны работніку міліцыі Васілю Лазарэнку ў 1927 годзе з нагоды 10-годдзя ўтварэння праваахоўнага органа. На вечку гадзінніка — дароўны надпіс па-беларуску.

Загаловак у газеце: Зайсці ў музей анлайн

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.