Вы тут

У месцах адпачынку сёлета зарэгістравана ўжо больш за сто злачынстваў


Нягледзячы на тое што гэтай вясной прырода мала радавала беларусаў добрым надвор'ем, у месцах адпачынку сёлета зарэгістравана ўжо больш за сто злачынстваў.


— На жаль, адпачынак на беразе вадаёмаў для многіх людзей звязаны з распіццём алкагольных напояў ці піва, што ў зонах адпачынку і на пляжах катэгарычна забаронена, — адзначыў намеснік начальніка арганізацыйна-аналітычнага ўпраўлення міліцыі грамадскай бяспекі МУС Сяргей Гарохаў. — Гэта адміністрацыйнае правапарушэнне, якое цягне за сабой штраф у памеры да васьмі базавых велічынь. І між іншым такія выпадкі складаюць каля траціны ўсіх зарэгістраваных парушэнняў. Але купанне і спіртное несумяшчальныя — гэта адна з самых распаўсюджаных прычын гібелі на вадзе.

Таксама ў месцах адпачынку нярэдкія выпадкі выкрадання веласіпедаў, мабільных тэлефонаў, кашалькоў. Сярод іншых распаўсюджаных парушэнняў — паркоўка, купанне і развядзенне вогнішчаў у забароненых месцах. Напрыклад, аматарам пасмажыць шашлыкі на такой тэрыторыі давядзецца раскашэліцца на 12 базавых велічынь, а «несанкцыянаваным» купальшчыкам — на суму да трох.

— Сумесна з падраздзяленнямі МНС, Таварыства ратавання на водах і прыродаахоўнымі арганізацыямі плануецца праводзіць сістэматычныя рэйды, звяртаючы асаблівую ўвагу на месцы адпачынку, размешчаныя паблізу сталіцы і абласных цэнтраў, бо там канцэнтруецца найбольшая колькасць людзей, — дадаў Сяргей Гарохаў.

Валяр'ян ШКЛЕННІК

Прэв'ю: pixabay.com

Загаловак у газеце: Адпачынак без «прыгод»

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.