Маніфестацыя ў памяць аб гібелі 24-гадовага Адама Траорэ пасля яго затрымання паліцыяй у чэрвені 2016 года прайшла у аўторак вечарам у Парыжы, нягледзячы на забарону сталічнай прэфектуры на масавыя сходы. Пра гэта паведамляе ТАСС са спасылкай на AFP.
У дэманстрацыі прынялі ўдзел больш за 20 тыс. чалавек У руках яны трымлі плакаты «Няма гвалту», «Супраць расізму», «Справядлівасць для Адама».
Многія ўдзельнікі мітынгу праводзілі прамыя паралелі з пратэстамі ў ЗША з-за гібелі афраамерыканца Джорджа Флойда. Многія прысутныя трымалі ў руках таблічкі з надпісам Black lives matter («Жыцці чорных важныя»), а таксама з фразай «Я не магу дыхаць», якую паўтараў Флойд перад смерцю.
Парыжская дэманстрацыя перарасла ў сутыкненні з паліцыяй. Пратэстоўцы кідалі ў вартавых правапарадку бутэлькі і камяні, падпальвалі смеццевыя бакі і ровары. Паліцэйскія ў адказ ўжылі слёзатачывы газ і гумавыя кулі. Масавыя пратэсты прайшлі і ў іншых французскіх гарадах — 2,5 тыс. чалавек сабраліся ў Ліле, 1,8 тыс. — у Марсэлі, 1,2 тыс. — у Ліёне.
Адама Траоре памёр 19 ліпеня 2016 года праз дзве гадзіны пасля яго затрымання ў камуне Бамон-сюр-Уаз, размешчанай на поўнач ад французскай сталіцы. На думку сям’і маладога чалавека, ён памёр у выніку гвалту з боку жандараў.
Прэв'ю: Reuters
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
