Вы тут

Беларускі рэспубліканскі саюз моладзі адкрые трэці працоўны семестр ў Дзень моладзі


Сёлета ён будзе прысвечаны знакаваму юбілею Вялікай Перамогі. Урачыстая цырымонія адкрыцця з уручэннем працоўных пуцёвак студэнцкім атрадам з розных рэгіёнаў краіны пройдзе 28 чэрвеня, у Дзень моладзі, у Мінску. Фіналам мерапрыемства стане агульнаатрадная спеўка. Плануецца прэзентаваць новую студатрадаўскага песню, якая, магчыма, стане гімнам беларускіх студэнцкіх атрадаў.


Праграма свята складаецца з розных відаў актыўнасці. У прыватнасці, на тэрыторыі гісторыка-культурнага комплексу «Лінія Сталіна» запланаваны маладзёжная працоўная акцыя «Працуем раЗАм!», экскурсія і студатрадаўскі квэст, прысвечаны 75-годдзю Вялікай Перамогі.

Зараз дагаворная кампанія па арганізацыі работы студэнцкіх атрадаў знаходзіцца ў актыўнай фазе. Для ўдзельнікаў студэнцкіх атрадаў забраніравана каля 30 тысяч працоўных месцаў. Ужо 20 тысяч хлопцаў і дзяўчат падалі заяўкі для работы ў трэцім працоўным семестры. Заключана 629 дагавораў на 9 394 чалавекі.

29 чэрвеня плануецца заезд студэнцкіх атрадаў на Усебеларускую маладзёжную будоўлю «Горад маладосці» ў Астравец. 1 ліпеня ў сталіцы больш за 500 чалавек прыступяць да работы на аб’ектах Мінскага завода халадзільнікаў. У міжнародным вытворчым працоўным праекце «Атлант-2020» хлопцы і дзяўчаты будуць працаваць у якасці слесараў-зборшчыкаў бытавой тэхнікі. Больш за 250 чалавек плануецца задзейнічаць на абласных (Мiнскай гарадской) маладзёжных будоўлях.

Промапроект «Выбіраем студатрад!» па інфармаванні і папярэдняму запісу патэнцыяльных байцоў студэнцкіх атрадаў працягваецца. У гэтым годзе ён праходзіць анлайн ў групах БРСМ у сацсетках з выкарыстаннем тэхналогіі QR-кода і хэштэгаў #Выбираем_студотряд!, #студатрад, #Працуем_разам!, #БСА.

Сяргей РАСОЛЬКА

Прэв'ю: liga.net

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…