Вы тут

У Беларусі будуць кантраляваць бяспеку дарожных мастоў


А1 сумесна з кампаніяй Qulix Systems прадставілі новае рашэнне для дыстанцыйнага кантролю за бяспекай мастоў — інклінаметр, які вымярае вугал нахілу аб’ектаў і перадае дадзеныя па NB-IoT сетцы. Прылада дапаможа прагназаваць магчымыя інцыдэнты ў дарожнай і будаўнічай галінах, а таксама своечасова рэагаваць на іх.


Рашэнне працуе на аснове SIM-чыпаў і сеткі NB-IoT кампаніі А1, што дазваляе перадаваць дадзеныя выдалена і адсочваць стан мастоў, будынкаў і іншых аб’ектаў нават у самых цяжкадаступных месцах.

Унікальнае рашэнне ўяўляе сабой невялікую прыладу і платформу, распрацаваныя кампаніяй Qulix Systems. Прыбор усталёўваецца непасрэдна на аб’ект вымярэння ў кропку, за якой неабходна назіраць, напрыклад, у сярэдзіну перакрыцця моста. Ён вымярае вугал адхілення і перадае па сетцы NB-IoT пакет дадзеных на платформу, дзе інфармацыя апрацоўваецца. На яе падставе можна зразумець, што аб’ект пачаў асядаць альбо нахіляцца, а значыць, прадухіліць падзенне і любы іншы інцыдэнт, а таксама своечасова запланаваць капітальны рамонт. Пры перавышэнні парогавых значэнняў прылада адпраўляе апавяшчэнне, напрыклад, на электронную пошту або ў месенджар. Выезд супрацоўнікаў непасрэдна на аб’ект патрабуецца не заўсёды, што аптымізуе выдаткі.

Першы пілотны праект рашэння быў запушчаны на базавай станцыі кампаніі А1 для назірання за нахілам яе мачты. Другі праводзіўся сумесна з РУП «Віцебскаўтадар» для вымярэння вагання і прасядання пліт моста. Абодва тэставыя запускі прайшлі паспяхова і паказалі, што прылада вытрымлівае вялікія сутачныя перапады тэмператур і працуе без збояў.

У адрозненне ад іншых інклінаметраў сумесная распрацоўка А1 і Qulix Systems не патрабуе падключчэння да электрасеткі і здольная перадаваць дадзеныя ў аддаленым рэжыме. Энергаэфектыўнасць прылады забяспечвае яе аўтаномную працу на працягу трох гадоў. Да таго і мантаж займае літаральна пяць хвілін.

Надзея НІКАЛАЕВА

Прэв'ю: Дзмітрый Шыпуль

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.