02 снежня, серада

Вы тут

Ісачанка: Здараюцца выпадкі, калі разумееш, што трэба выехаць на месца і разабрацца


Сенатары практыкуюць розныя формы работы са зваротамі грамадзян. Віцэ-спікер Савета Рэспублікі Анатоль ІСАЧАНКА ў аўторак, 2 чэрвеня, наведаў Барысаў. Такія камандзіроўкі для сенатараў — нармальная практыка.


— Здараюцца выпадкі, калі разумееш, што трэба выехаць на месца і разабрацца, — растлумачыў намеснік старшыні верхняй палаты парламента мэту свайго візіту ў райцэнтр.

Зварот адной з мясцовых жыхарак — якраз з такой катэгорыі. Яна патэлефанавала на прамую лінію, якую не так даўно праводзіла старшыня Савета Рэспублікі Наталля Качанава, і паскардзілася, што пабудавала памяшканне для печы, але крыху выйшла за межы свайго зямельнага надзела і цяпер не можа ўзаконіць гэтую пабудову.

— Жанчына агучыла свой пункт гледжання. Мы атрымалі дакументы ад Барысаўскага райвыканкама. Трэба было выехаць на месца і паглядзець, што і як можна зрабіць, каб дапамагчы, — адзначыў Анатоль Ісачанка. — У сітуацыі разабраліся. Ва ўсякім выпадку, алгарытм дзеянняў знойдзены, прынятыя адпаведныя рашэнні. Мяркую, пытанне будзе вырашана.

Віцэ-спікер верхняй палаты таксама дадаў, што зямельныя пытанні звычайна з ліку самых складаных і заблытаных, бо маюць даўнішнюю гісторыю. Пры іх вырашэнні важна, каб усе зацікаўленыя бакі мелі на мэце пошук кампраміснага рашэння. Дарэчы, у Барысаве менавіта так і склалася.

Нагадаем таксама, што члены Савета Рэспублікі рэгулярна праводзяць асабістыя прыёмы грамадзян, прамыя тэлефонныя лініі. Напрыклад, у пятніцу, 5 чэрвеня, віцэ-спікер накіруецца ў Беразіно.

— Калі ў людзей будуць пытанні, якія трэба абмеркаваць непасрэдна на месцы, то можна будзе выехаць і паглядзець. Гэта таксама практыкуецца, — рэзюмаваў ён.

Паводле БелТА

Загаловак у газеце: У тым ліку з выездам на месца

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.