Вы тут

Дзяржаўных узнагарод удастоеныя прадстаўнікі розных сфер дзейнасці


Дзяржаўных узнагарод удастоеныя прадстаўнікі розных сфер дзейнасці. Адпаведныя ўказы падпісаў Прэзідэнт Беларусі Аляксандр Лукашэнка, паведамілі ў прэс-службе кіраўніка дзяржавы.


Указам № 191 зацверджана рашэнне аб узнагароджанні ордэнамі, медалямі і прысуджэнні ганаровых званняў за шматгадовую плённую працу, узорнае выкананне службовых абавязкаў, выключную адвагу і мужнасць, праяўленыя ў барацьбе са злачыннасцю і пры выратаванні людзей у час пажару, значны ўклад у ажыццяўленне правасуддзя і забеспячэнне законнасці, развіццё чыгуначнага транспарту, мышанабудавання, выдавецкай справы і кнігадрукавання, заслугі ў галіне сельскай гаспадаркі, будаўніцтва, сацыяльнай абароны, гандлю, навукі, адукацыі, мастацтва і культуры.

У прыватнасці, ордэнам «За службу Радзіме» III ступені ўзнагароджаны старшы оперупаўнаважаны па асабліва важных справах спецыяльнага падраздзялення па барацьбе з тэрарызмам «Алмаз» Міністэрства ўнутраных спраў Сяргей Борыс і начальнік 3-га аддзела 1-га ўпраўлення галоўнага ўпраўлення па наркакантролі і супрацьдзеянні гандлю людзьмі крымінальнай міліцыі МУС Аляксандр Высоцкі.

Ордэна Пашаны ўдастоены намеснік генеральнага дырэктара па фінансах ААТ «Керамін» Алена Наталевіч і слесар па рамонце рухомага саставу лакаматыўнага дэпо Баранавіцкага аддзялення Беларускай чыгункі Аляксандр Палуянчык.

Вядучыя майстры сцэны Нацыянальнага акадэмічнага тэатра імя Янкі Купалы Марыя Захарэвіч і Арнольд Памазан узнагароджаны ордэнам Францыска Скарыны.

Медаля «За выратаванае жыццё» ўдастоены камандзір аддзялення пажарнага аварыйна-выратавальнага паста нумар 14 Петрыкаўскага раённага аддзела па надзвычайных сітуацыях Аляксей Ёрш.

Заслугі шэрага супрацоўнікаў праваахоўных органаў і Дзяржпагранкамітэта адзначаны медалямі «За адзнаку ў ахове дзяржаўнай граніцы», «За адзнаку ў воінскай службе» і «За адзнаку ў ахове грамадскага парадку».

Вялікая група работнікаў розных галін, дзеячы культуры, мастацтва, навукі і адукацыі ўдастоеныя медалёў «За працоўныя заслугі» і медалёў Францыска Скарыны. Указам таксама прысвоены ганаровыя званні Рэспублікі Беларусь.

Прэзідэнт таксама падпісаў указ № 192 аб узнагароджанні шэрага работнікаў аграпрамысловага комплексу ордэнамі і медалямі за шматгадовую плённую працу, высокі прафесіяналізм, асабісты ўклад у развіццё сельскагаспадарчай галіны і дасягненне выдатных вытворчых паказчыкаў.

Ордэна Айчыны II ступені ўдастоены старшыні кааператываў «Фядорскі» Столінскага раёна і «Калгас „Радзіма“» Бялыніцкага раёна Рыгор Дзямко і Аляксандр Лапацентаў адпаведна.

Заслугі шэрага работнікаў сельгаспрадпрыемстваў адзначаныя ордэнам Пашаны. У іх ліку — трактарыст-машыніст ААТ «Прынёманскі» Навагрудскага раёна Юрый Вітуль, галоўны аграном ААТ «Морач» Клецкага раёна Уладзімір Кісель і дырэктар ААТ «Хацілы-Агра» Пастаўскага раёна Вячаслаў Крыштафовіч.

Акрамя таго, прадстаўнікі аграпрамысловага комплексу ўзнагароджаныя медалямі «За працоўныя заслугі» і ганаровымі званнямі «Заслужаны работнік сельскай гаспадаркі Рэспублікі Беларусь».

Аляксандр Лукашэнка таксама падпісаў распараджэнне аб аб’яўленні Падзякі Прэзідэнта Рэспублікі Беларусь. За шматгадовую плённую працу ў падатковых органах, значныя дасягненні ў прафесійнай дзейнасці яна аб’яўлена сямі работнікам рэгіянальных інспекцый і апарату Міністэрства па падатках і зборах.

За шматгадовую навукова-педагагічную дзейнасць, значны асабісты ўклад у падрыхтоўку высокакваліфікаваных навуковых работнікаў і ўкараненне навукаёмістых тэхналогій у вытворчасць Падзяка Прэзідэнта аб’яўлена галоўнаму навуковаму супрацоўніку лабараторыі моцнатокавай электронікі Інстытута ядзерных праблем Беларускага дзяржаўнага ўніверсітэта Уладзіміру Барышэўскаму.

Прэв’ю: БЕЛТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…