Дзякуючы пастаянным намаганням па ахове прыроды, назіраецца значны рост папуляцыі дзікіх жывёл, паведамілі ва ўпраўленні лясной гаспадаркі Тыбецкага аўтаномнага раёна (ТАР), што на паўднёва-захадзе Кітая, перадае «Жэньмінь жыбаа» анлайн».
У параўнанні са статыстычнымі дадзенымі, апублікаванымі рэгіянальным таварыствам аховы дзікай прыроды ў 1990-х гадах, папуляцыя тыбецкай антылопы павялічылася з 50-70 тыс. да больш чым 200 тыс. асобін, а колькасць папуляцыі тыбецкага дзікага асла узрасла з 50 тыс. да прыкладна 90 тыс.
Колькасць чорнашыйных журавоў, якія знаходзяцца пад дзяржаўнай аховай у Кітаі, вырасла да 8 тыс. з 1000-3000 асобін, а колькасць дзікіх якаў — прыкладна да 10 тыс. асобін. Таксама значна павялічыліся папуляцыі снежных барсаў, архара і блакітных бараноў.
У апошнія некалькі дзесяцігоддзяў ТАР прыкладаў намаганні для абароны прыроды. Зараз рэгіён інвеставаў больш за 1,3 млрд. юаняў (каля 185 млн долараў) для стварэння баз па гадоўлі жывёл, запаведнікаў, станцый маніторынгу і выратавальных станцый для дзікіх жывёл. З гэтых інвестыцый амаль 640 млн. юаняў было выкарыстана ў якасці кампенсацыі, выплачанай мясцовым жыхарам, гаспадаркі якіх панеслі страты ад дзікіх жывёл.
Мясцовыя ведамствы лясной гаспадаркі заявілі, што ў будучыні Тыбет актывізуе намаганні па абароне і забеспячэнню выканання законаў у галіне аховы, узмацненню прафілактыкі эпідэмій у прыродзе і садзейнічанні стварэнню механізму ранняга папярэджання аб захворваннях дзікіх жывёл.
Прэв’ю: snowliontours.ru
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
