Вы тут

«Белыя росы» назаўсёды: Аляксею Дудараву — 70


Адзiн з найлепшых беларускiх драматургаў i сцэнарыстаў Аляксей Дудараў, што адзначыўся выдатнымi работамi як у тэатры, так i кiно, сёння, 6 чэрвеня, адзначае свой 70-гадовы юбiлей. У тэатры яго добра ведаюць, напрыклад, па п'есе «Радавыя», у кiно — па сцэнарыi культавага фiльма «Белыя росы» з Мiкалаем Карачанцавым у галоўнай ролi.


Будучы аўтар паспеў папрацаваць манцёрам сувязi i слесарам да таго, як скончыць тэатральна-мастацкi iнстытут па спецыяльнасцi «акцёр драмы i кiно». Пасля ён быў акцёрам у Тэатры юнага гледача, загадваў там лiтаратурнай часткай i ў гэты ж час пiсаў апавяданнi i сцэнарыi для кароткаметражнага кiно.

За сваю прафесiйную дзейнасць Аляксей Дудараў паспеў папрацаваць сябрам сцэнарна-рэдакцыйнай калегii Беларускага тэлебачання, галоўным рэдактарам часопiса «Мастацтва», кiраўнiком Тэатра беларускай армii. Сёння драматург з'яўляецца старшынёй Беларускага саюза тэатральных дзеячаў.

Спадар Аляксей — аўтар п'ес «Вечар», «Вежа», «Адцуранне», «Палачанка», «Чорная панна Нясвiжа», лiбрэта да пастаўленага ў Вялiкiм тэатры балета «Вiтаўт», сцэнарыя (у суаўтарстве) знятай у 2014 годзе карцiны «Белыя росы. Вяртанне».

Выбар рэдакцыі

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.