Вы тут

Кнiга, як кубачак кавы, або Чым прыцягваюць чытачоў бiблiятэкi Мiнскай вобласцi


Што бадзёрыць не горш, як кубачак кавы? Задушэўная размова з прыемным чалавекам, пасля якой цяжка заснуць. Але, калi ў вас ёсць цiкавы суразмоўнiк, то вам пашанцавала. А што рабiць, калi няма падыходзячага кандыдата? Гэта падстава не засмучацца, а акунуцца ў цудоўны свет кнiг. Так лiчыць загадчыца Цiмкавiцкай сельскай бiблiятэкi, што ў Капыльскiм раёне, Вольга Радкевiч.


yandex.ru

Падчас пандэмii каранавiруса не кожны рызыкне наведаць грамадскую ўстанову, асаблiва пажылыя людзi, хоць тут i прадугледжаны неабходныя меры бяспекi. Даводзiцца самiм iсцi да чытачоў. Напрыклад, выкарыстоўваць сацыяльныя сеткi для прэзентацыi новых выданняў. А ўсiх ахвотных, пенсiянераў абслугоўваць дома. У прыватнасцi, работнiкi бiблiятэкi па заяўцы чытачоў дастаўляюць iм неабходную лiтаратуру. Да справы падключылiся i сацыяльныя работнiкi.

Менавiта часовыя цяжкасцi прымушаюць думаць на перспектыву, шукаць новыя падыходы, каб захаваць i пашырыць кола чытачоў. У прыватнасцi, на лета запланаваны такi праект, як «Бiблiятэка на траве». Гэта своеасаблiвая зона культурнага адпачынку, якую могуць наведаць i дарослыя, i дзецi. Тут яны могуць пачытаць любiмую кнiгу. Малыя — пагуляць з мяккiмi цацкамi, якiя сабралi для iх бiблiятэчныя работнiкi, iх бацькi — паспаборнiчаць у шашках, шахматах, паўдзельнiчаць у майстар-класах.

— Разам з тым мы не адмовiлiся i ад традыцыйных мерапрыемстваў, — кажа Вольга Уладзiмiраўна.

Пацвярджэнне таму выстаўка-iнсталяцыя «Эпохi дарожнага чытання», якая прадстаўлена ў некалькiх цыклах. Напрыклад, 1940—1960-я — у даваенны драўляны чамадан складзены тагачасныя газеты, у тым лiку i «Звязда», а таксама «Кнiга карысных парад» для хатнiх гаспадынь, мастацкая лiтаратура. 1970—1990-я — у чамадане савецкiх часоў сабраны перыядычныя выданнi гэтых гадоў, кнiгi, зборнiк вершаў Сяргея Ясенiна, песеннiк, народныя казкi i шмат iншага. Цыкл 2000-я — гэта наша сучасная белетрыстыка, яркiя часопiсы, сканворды... i магнiцiкi на памяць аб месцах наведвання. Экспанаты выстаўкi папаўняюцца. Рарытэтамi дзеляцца землякi.

— У нас ёсць сайт, дзе змяшчаем усю iнфармацыю, анонсы мерапрыемстваў. Мае калегi вядуць старонкi ў сацыяльных сетках. Аднак ладзiм i мерапрыемствы ўжывую, але не такiя масавыя, як раней, — кажа дырэктар Мiнскай раённай цэнтральнай бiблiятэкi, што ў аграгарадку Мiханавiчы, Аксана Пунiнская. — Нядаўна адкрывалi дзiцячую бiблiятэку. I, вядома, такая радасная падзея не адбылася без юных грамадзян. Аднак яны былi ў масках, размешчаны кропкава, на адлегласцi.

Па словах Аксаны Iльiнiчны, у маi наведвальнiкаў паменшала, але цяпер людзi зноў пайшлi ў бiблiятэкi, у тым лiку i школьнiкi, на час летнiх канiкул iм выдалi спiсы дадатковай лiтаратуры. Адкрываюцца i дзiцячыя аздараўленчыя лагеры, якiя таксама абслугоўваюць работнiкi бiблiятэк.

Разам з тым бiблiятэчныя ўстановы Мiншчыны сталi больш актыўна выкарыстоўваць бескантактавыя формы работы з чытацкай аўдыторыяй. Напрыклад, Капыльская раённая цэнтральная бiблiятэка iмя Анатоля Астрэйкi пазнаёмiла чытачоў з новымi выданнямi пра Вялiкую Айчынную вайну з дапамогай вiртуальнай выстаўкi «Каб памяць была жывая». Наведвальнiкi сайта даведалiся пра партызанскi рух, герояў мiнулай вайны, спаленыя вёскi, жахi канцэнтрацыйнага лагера «Азарычы». А ў сярэдзiне мая стартаваў новы праект — сямейны марафон «Ланцужок добрых слоў». Удзельнiкi дасылаюць на электронную пошту фотаздымкi, вiдэаролiкi, вiншаваннi, прысвечаныя мiжнародным святам: Дню сям'i, Дню абароны дзяцей, Дню бацькi. Закончыцца марафон 8 лiпеня ў дзень Святых Пятра i Фяўронii, якiя сталi заступнiкамi сям'i i шлюбу.

Даспадобы чытачам прыйшоўся i флэшмоб «Чытаем дома», якi правяла ў сацыяльных сетках Маладзечанская раённая цэнтральная бiблiятэка. Усе ахвотныя фатаграфавалiся з любiмай кнiгай i публiкавалi здымак у каментарыях пад запiсам бiблiятэчнай установы.

Шмат цiкавага прапаноўвае чытачам i Вiлейская раённая цэнтральная бiблiятэка. У прыватнасцi, цiкавасць выклiкала вiртуальная выстаўка-памяць «Чытайце навiнкi», «Чытаем кнiгi мясцовых аўтараў» i iншыя праекты.

Таццяна ЛАЗОЎСКАЯ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.