Вы тут

Генпракуратура Расіі назвала прычыну разгерметызацыі рэзервуара з дызельным палівам у Нарыльску


Прасадка грунту стала прычынай разгерметызацыі рэзервуара з нафтапрадуктамі на ЦЭЦ-3 у Нарыльску. Пра гэта журналістам паведаміў афіцыйны прадстаўнік Генпракуратуры Расіі Андрэй Іваноў, піша ТАСС.


«Паводле дадзеных, папярэдняй прычынай разгерметызацыі рэзервуара з дызельным палівам стала прасадка грунту і бетоннай пляцоўкі пад ім», — сказаў ён.

Іваноў таксама паведаміў, што генеральны пракурор Расіі Ігар Красноў даручыў праверыць асабліва небяспечныя аб’екты, размешчаныя ў зонах вечнай мерзлаты, пасля аварыі на ЦЭЦ-3 у Нарыльску.

«З мэтай недапушчэння паўтарэння падобнай сітуацыі на асабліва небяспечных аб’ектах, размешчаных на тэрыторыях, схільных да раставання вечнай мерзлаты, генеральным пракурорам Ігарам Красновым пракурорам рэгіёнаў і прыродаахоўным пракурорам дадзена даручэнне аб комплекснай праверцы такіх аб’ектаў», — сказаў ён.

Іваноў патлумачыў, што падчас праверак будзе дадзена ацэнка захаванню прадпрыемствамі патрабаванняў законаў пры эксплуатацыі небяспечных вытворчых аб’ектаў, ажыццяўленні экалагічнага маніторынгу, арганізацыі мерапрыемстваў па прадухіленні надзвычайных сітуацый. «Адначасова будзе праверана эфектыўнасць дзейнасці органаў дзяржаўнага нагляду (кантролю)», — адзначыў прадстаўнік Генпракуратуры Расіі.

Прэв'ю: ТАСС

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.