Вы тут

Валанцёры запрашаюць у анлайн-лагер


Амаль 23 тысячы падлеткаў i маладых людзей плануюць працаўладкаваць гэтым летам органы па працы, занятасцi i сацыяльнай абароне.


— Штогод мы праводзiм арганiзацыйную работу па аказаннi садзейнiчання ў працаўладкаваннi моладзi ў вольны ад вучобы час, — расказала падчас сутрэчы з журналiстамi ў Грамадскiм прэс-цэнтры Дома прэсы кансультант упраўлення палiтыкi занятасцi Мiнiстэрства працы i сацыяльнай абароны Жанна ШЧАМЯЛЁВА. — Заключаюцца дагаворы, вызначаюцца вiды работ i памер фiнансавання. У 2020 годзе моладзь пераважна будзе займацца азеляненнем i добраўпарадкаваннем тэрыторыi навучальных устаноў i ўстаноў сацыяльнай абароны, рамонтам вучэбнай мэблi, рэстаўрацыяй кнiжнага фонду, гэта значыць, тымi вiдамi работ, што дазволены заканадаўствам у пэўным узросце. Школьнiкi сярод працаўладкаваных займаюць 85 працэнтаў — гэта асноўны наш кантынгент. Таксама падзарабiць змогуць навучэнцы сярэднiх спецыяльных навучальных устаноў, прафтэхустаноў i ВНУ.

На гэтыя мэты было выдзелена амаль шэсць мiльёнаў рублёў, у тым лiку на зарплату для маладых людзей.

На сённяшнi дзень органамi па працы заключана 697 дагавораў з наймальнiкамi на працаўладкаванне моладзi. За студзень—май ужо амаль чатыры тысячы чалавек з лiку моладзi працавала ў вольны ад вучобы час.

Часовая занятасць моладзi арганiзуецца ва ўсiх рэгiёнах. Дарэчы, ёсць i тыя наймальнiкi, якiя гатовыя прыняць дзяцей на работу за свае сродкi — такое пажаданне выказала 131 арганiзацыя. У iх лiку «Белпошта», «Белсаюздрук», гандлёвыя арганiзацыi, лясгасы, аграгаспадаркi, ЖКГ i iншыя.

Для таго каб працаўладкавацца, трэба звярнуцца ў тэрытарыяльную службу занятасцi: там хлопцам i дзяўчатам дапамогуць вызначыцца з выбарам работы на летнi перыяд.

Кiраўнiк Рэспублiканскага валанцёрскага цэнтра Наталля Апанчук паведамiла, што 6 лiпеня для дзяцей i моладзi запусцяць летнi анлайн-лагер. Гэта была iнiцыятыва самiх валанцёраў. У iм могуць прыняць удзел дзецi i падлеткi ва ўзросце ад 12 да 15 гадоў. Усяго запланаваны чатыры летнiя змены па 30 дзяцей у кожнай.

«Гэта эксперыментальны праект, спадзяёмся, што налета ён будзе ўжо больш маштабны, — канстатавала Наталля Апанчук. — Над праграмай ужо працуюць восем валанцёраў. Астатнiх анлайн-важатых пачнуць набiраць з 8 чэрвеня. Найлепшыя будуць адабраны па вынiках сумоўя».

Рэгiстрацыя самiх школьнiкаў для ўдзелу ў змене стартуе пазней. Iнфармацыя з'явiцца на сайце цэнтра i яго старонках у сацсетках. Плануецца, што дзецi ў вызначаны час будуць заходзiць на платформу, кантактаваць з важатымi, абмяркоўваць якiя-небудзь тэмы, атрымлiваць ад iх заданнi. На працягу дня яны будуць iх выконваць, таксама падлеткi змогуць далучыцца да майстар-класаў i дыскусiйных клубаў.

Наталля Апанчук паведамiла, што падчас летнiх канiкулаў ва ўсiх рэгiёнах будуць сфармiраваны валанцёрскiя атрады па прафiлактыцы каранавiруса. Зараз завяршаецца анлайн-праект #AntiCOVID-19, якi праходзiў пры падтрымцы ЮНIСЕФ. Рэспублiканскi валанцёрскi цэнтр навучыў 100 валанцёраў i 120 каардынатараў валанцёрскага руху, як правiльна i бяспечна арганiзоўваць работу валанцёраў у такi складаны час.

Пры ўмове спрыяльнай эпiдэмiялагiчнай сiтуацыi валанцёры плануюць удзельнiчаць у рэспублiканскiм свяце «Александрыя збiрае сяброў» i мiжнародным фестывалi мастацтваў «Славянскi базар у Вiцебску».

Таксама моладзь працягне дапамагаць Чырвонаму Крыжу, тэрытарыяльным цэнтрам па працы i сацабароне, палiклiнiкам, а таксама адрасна — ветэранам, якiя маюць у гэтым патрэбу.

Надзея НIКАЛАЕВА

Прэв'ю: znaj.ua

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.