Вы тут

Міністэрства аховы здароўя распавяло, у якіх рэгіёнах COVID-19 пайшоў на спад


Захворванне COVID-19 пайшла на спад у Мінску, Мінскай і Віцебскай абласцях, паведаміла журналістам намеснік міністра аховы здароўя Алена Богдан, наведваючы Брэсцкую вобласць падчас рэспубліканскага маніторынгу, перадае тэлеграм-канал ведамства.


«Рэгіёны па-рознаму уступалі ў гэты працэс. Пачыналася з Віцебска, потым далучыліся Мінск і Мінская вобласць, затым Брэсцкая і практычна паралельна з ёй Гродзенская, трошкі з адставаннем — Гомельская вобласць. Найменшыя паказчыкі мы сёння бачым у Магілёўскай вобласці», — сказала Алена Богдан. Яна дадала, што кожны рэгіён праходзіць пэўныя этапы развіцця эпідэмічнага працэсу, яно хвалепадобнае.

«У маштабах рэспублікі фактычна перахварэлі і пайшлі на зніжэнне рэгіёны, у якіх вялікая колькасць, — гэта Мінск і Мінская вобласьць. Плюс Віцебская вобласць. Гэта значыць фактычна 40-45% насельніцтва рэспублікі гэты этап прайшлі», — адзначыла намеснік міністра. З паляпшэннем сітуацыі ў Брэсцкай вобласці можна будзе казаць пра амаль 60% насельніцтва краіны. Зараз гэты рэгіён знаходзіцца на так званым плато. «Яшчэ нейкі час яна будзе знаходзіцца на гэтым узроўні, потым захворванне пойдзе ўніз і некалькі наступных тыдняў будзе трымацца на ўзроўні, які на 30%, а можа быць, і 50% ніжэй за сённяшні», — адзначыла Алена Богдан.

Самым галоўным, па яе словах, стала тое, што дзякуючы прынятым мерам па ізаляцыі кантактаў першага ўзроўню, пацыентаў з бессімптомным ці лёгкім цячэннем каранавіруснай інфекцыі не было лавінападобнага росту захворвання. Сёння ў краіне прытрымліваюцца гэтай жа тактыкі. «Кожны дзень мы аналізуем інфармацыю, якая ёсць па захворванні не толькі каранавіруснай інфекцыяй, але і пнеўманіямі», — дадала намеснік міністра.

Яна яшчэ раз звярнула ўвагу на неабходнасць выконваць меры асабістай бяспекі — фізічнае дыстанцыяванне, нашэнне масак у месцах вялікай колькасці людзей, перш за ўсё ў гандлёвых цэнтрах, грамадскім транспарце. Вельмі важна своечасова звяртацца да ўрача. На сёння рэсурсаў, лекавых сродкаў, персаналу дастаткова для аказання ўсёй неабходнай медыцынскай дапамогі.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.