Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра найбольш актуальныя падзеi выхадных.


1. У мiнскiм Палацы тэнiса завяршыўся выставачны турнiр з удзелам вядучых беларускiх тэнiсiстаў. У вырашальным паядынку жаночых спаборнiцтваў BelGlobalGarant Cup Вера Лапко, якая займае 119-е месца ў сусветным рэйтынгу, ва ўпартай барацьбе перайграла Iрыну Шымановiч, у якой 433-я пазiцыя ў рэйтынгу WTA, — 6:4, 6:4. Пераможцам турнiру BelGlobalStart Cup стаў Ягор Герасiмаў (69-ы нумар рэйтынгу АТР), якi выйграў у двух сэтах у Аляксандра Згiроўскага (1158-е месца) — 6:3, 6:2.

На папярэднiм этапе гэтага турнiру ўпершыню памiж сабой гулялi мужчыны i жанчыны. У паўфiнале Аляксандра Сасновiч (119-я пазiцыя) саступiла Аляксандру Згiроўскаму — 3:6, 5:6. На турнiры гуляла i 11-я ракетка планеты Арына Сабаленка, але пасля першага паядынку не змагла працягнуць выступленне з-за траўмы.

Адзначым, што з 20 да 27 чэрвеня ў Мiнску пройдзе чэмпiянат Беларусi, у якiм плануюць згуляць амаль усе наймацнейшыя тэнiсiсты краiны.


2. Выканаўчы камiтэт Мiжнароднага саюза бiятланiстаў адмянiў летнi чэмпiянат свету ў Германii з-за пандэмii каранавiруса. Спаборнiцтвы павiнны былi адбыцца з 19 да 23 жнiўня ў Рупольдынгу. Кангрэс арганiзацыi ў Празе таксама перанесены з верасня на лiстапад. Такiм чынам, наступны летнi чэмпiянат свету павiнен прайсцi ў чэшскiм Нове-Места ў 2021 годзе.


3. Сталi вядомыя вынiкi матчаў 12-га тура чэмпiянату краiны па футболе. БАТЭ не змог утрымаць перамогу ў гасцявым матчы з футбалiстамi «Вiцебска», завяршыўшы сустрэчу ўнiчыю, — 2:2. Аўтсайдар чэмпiянату бабруйская «Белшына» на сваiм полi буйна саступiла мiнскаму «Дынама» — 0:4, а ў Салiгорску мясцовы «Шахцёр» згуляў з «Энергетыкам-БДУ» — 1:0.

Вынiкi астатнiх сустрэч 12-га тура: «Смалявiчы» — «Гарадзея» — 4:1, «Слуцк» — «Тарпеда-БелАЗ» (Жодзiна) — 1:1, «Iслач» — «Рух» — 1:1, «Славiя» (Мазыр) — «Нёман» (Гродна) — 1:3, «Дынама» (Брэст) — «Мiнск» — 6:1.

Турнiрнае становiшча зараз такое: БАТЭ — 26 ачкоў (12 матчаў), «Энергетык-БДУ» — 22 (11), «Тарпеда-БелАЗ» — 22 (12), «Шахцёр» — 21 (11), «Дынама» (Брэст) — 19 (12), «Слуцк» — 18 (12), «Нёман» — 17 (11), «Iслач» — 16 (12), «Славiя» — 15 (12), «Рух» — 15 (12 ), «Вiцебск» — 15 (12), «Мiнск» — 13 (10), «Дынама» (Мiнск) — 13 (11), «Гарадзея» — 12 (12), «Смалявiчы» — 7 (11), «Белшына» — 3 (11).

Спiс найлепшых бамбардзiраў узначальваюць Гегам Кадзiмян («Нёман») i Джасурбек Яхшыбоеў («Энергетык-БДУ»), якiя забiлi па сем мячоў.


4. Пасля другога тура XIII чэмпiянату Беларусi па пляжным футболе турнiрную таблiцу ўзначалiў «Брэст». У чатырох матчах брастаўчане не страцiлi нi аднаго ачка, атрымаўшы чатыры вiкторыi. Яны абыгралi дзеючага чэмпiёна краiны «Гроднааблспорт» — 7:5, бронзавага прызёра «Шчучын» — 3:1, мазырскi «М-Сiцi» — 5:4 i кобрынскае «Палессе» — 5:2. Таксама чатыры перамогi здабылi ў Гродне ўладальнiкi «серабра» мiнулага першынства спартсмены «Кiраўск-СДЮШАР». Нiводнага бала не мае каманда «Палессе», якая прайграла ўсе восем паядынкаў двух стартавых тураў.

Становiшча камандаў пасля другога тура: «Брэст» — 21 ачко, «Кiраўск-СДЮШАР» — 20, «Шчучын», «Гроднааблспорт» — па 12, «М-Сiцi» — 6, «Палессе» — 0. Усе клубы згулялi па восем паядынкаў.

Матчы трэцяга тура 20-21 чэрвеня таксама пройдуць у Гродне, а 27-28 чэрвеня каманды правядуць сустрэчы ў Мазыры.


5. Аршанскi «Вiтэн» атрымаў валявую перамогу над гомельскiм ВРЗ з лiкам 3:2 у стартавым паядынку фiнальнай серыi чэмпiянату Беларусi па мiнi-футболе. Наступны матч залатой серыi (да трох перамог) адбудзецца 11 чэрвеня ў Гомелi, а 14 чэрвеня сапернiкi зноў сустрэнуцца на паркеце аршанскага спарткомплексу «Алiмпiец». Калi пасля трох паядынкаў пераможца не будзе выяўлены, то наступныя гульнi пройдуць 18 i 21 чэрвеня.

Дар'я Лабажэвiч

Загаловак у газеце: Баталii на айчынных кортах

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.