Вы тут

Песню бярыце з сабою... Бэзу кіпень


Змітрок Марозаў (нар. у 1954-м) — выдатны беларускі паэт, празаік, публіцыст. Друкуецца з 1977 года. Аўтар шматлікіх зборнікаў паэзіі, у тым ліку «Акварэлі пачуцця», «Я ўсё часцей жадаю слухаць неба», «Вачыма сэрца» і іншых.

Песня «Бэзу кіпень» нарадзілася з вершаў зборніка Змітрака Марозава «Я з вёскі, я — свойскі, язбоўскі». Гэтая шчырая паэзія кранае душу. Яна пра любоў да роднай зямлі, бацькоўскага дому, пра хараство прыроды...

Вершы — Змітрок МАРОЗАЎ, музыка — Яўген КСЯНЕВІЧ.


1. Мне ўсё часцей бярозы

сняцца,

Вярба пад матчыным

акном,

Палі, дзе хмары табуняцца,

Што зацяжарылі дажджом.

Прыпеў:

Бэзу кіпень пад акном,

Пах язміну хмельны...

Заручуся вечарком

З яблынькай вясельнай.

Буду слухаць, як у сне,

Квецені дыханне,

Мо яна навее мне

Песню пра каханне.

Мо яна навее мне

Песню пра каханне.

2. Відаць, таму і настальгія

Маю душу туды заве,

Дзе жарабяткі маладыя

Пасуцца ў ранішняй траве.

Прыпеў.

3. Дзе салавей асірацелы

Шукае сэрцу спарыша,

Дзе ў туманах

тварожна-белых

Мая згубілася душа.

Прыпеў.


Рубрыку вядзе кампазітар Яўген Ксяневіч

evgenyksenevіch@gmaіl.com

Выбар рэдакцыі

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.