Вы тут

Кіно пра Вялікую Айчынную: глядзець і абмяркоўваць з кінакрытыкамі


У якасці эфектнага дапаўнення да свайго выставачнага праекта «Алфавіт вайны», дзе мастакі з Беларусі, Украіны і Расіі выказваюцца пра Другую сусветную, Нацыянальны цэнтр сучасных мастацтваў плануе правесці шэраг адмысловых кінапаказаў. Кожны месяц на Някрасава, 3 можна будзе паглядзець адзін з найвыбітнейшых беларускіх фільмаў пра вайну і абмеркаваць яго з кінакрытыкам. Усяго ў праграме чатыры карціны, а першае мерапрыемства адбудзецца ўжо сёння, 17 чэрвеня.


SRF/MOSFILM

Тое, за што наша кінастудыя атрымала крыўдную мянушку «Партызанфільм», у той жа час з’яўляецца яе гонарам: у Беларусі быў створаны цэлы шэраг выбітных стужак на тэму Другой сусветнай вайны (хоць працэнт няўдалых работ на гэтую тэму сапраўды значна большы). Арганізатары падабралі фільмы рэжысёраў-шасцідзясятнікаў, што транслююць іх асабісты погляд на Вялікую Айчынную, калі яны былі яшчэ дзецьмі.

Цыкл з чатырох сустрэч пачнецца з карціны Віктара Турава «Цераз могілкі» — адну з сотні найлепшых у прапанаванай тэме па версіі UNESCO. 17 ліпеня будзе паказана мудрагеліста расказаная гісторыя пра мінскае падполле — недаацэнены шэдэўр «Усходні калідор» Валянціна Вінаградава. Працягне серыю яшчэ адна работа Віктара Турава «Сыны сыходзяць у бой», што прыходзіцца на 7 жніўня, а завершыць — непераўзыдзены твор Элема Клімава «Ідзі і глядзі» (дата паказу пакуль не прызначана).

Мадэратарамі, з якімі плануюцца дыскусіі, стануць кінакрытыкі Дар’я Амяльковіч, Максім Карпіцкі, Тарас Тарналіцкі і я, Ірэна Кацяловіч — па адным на кожную сустрэчу.

Ірэна КАЦЯЛОВІЧ

Выбар рэдакцыі

Грамадства

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

Прыродныя антыбіётыкі: Лекі, якія дапамагаюць перамагчы інфекцыю і ўмацоўваюць ахоўныя ўласцівасці арганізма

У адрозненне ад «хімічных антыбіётыкаў», прыродныя лекі не толькі дапамагаюць перамагчы інфекцыю, але і ўмацоўваюць ахоўныя ўласцівасці арганізма.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СКАРПІЁН. На гэтым тыдні традыцыйны падыход да вырашэння праблем не заўсёды будзе ўдалы.

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава