Вы тут

Рыгор Шлык правёў прамую тэлефонную лiнiю i асабiсты прыём грамадзян


Падчас прамой тэлефоннай лiнii i асабiстага прыёму грамадзян, якiя правёў у Бярозаўскiм раёне Брэсцкай вобласцi начальнiк галоўнага ўпраўлення па рабоце са зваротамi грамадзян i юрыдычных асоб Адмiнiстрацыi Прэзiдэнта Рыгор Шлык, да яго звярнулася больш за дваццаць чалавек, паведамляе БелТА. Скарысталiся магчымасцю задаць пытаннi, што iх хвалююць, i жыхары iншых рэгiёнаў. Сiтуацыi ў людзей розныя: нехта сутыкнуўся з цяжкасцямi ў працаўладкаваннi, запазычанасцю наймальнiка па заработнай плаце, а хтосьцi з жыллёвымi праблемамi i спадчыннымi спрэчкамi. Былi i тыя, каго хвалявалi грамадскiя пытаннi.


У прыватнасцi, пенсiянер з Белаазёрска заклапочаны недахопам вузкiх спецыялiстаў у медыцынскiх установах раёна. У вынiку часам на абследаванне неабходна ездзiць у iншыя гарады. «Упэўнены, што мясцовыя ўлады ў курсе i адсочваюць сiтуацыю, падаюць заяўкi. Iмкнуцца прыцягнуць маладых спецыялiстаў, прапаноўваючы ў тым лiку i жыллё», — сказаў Рыгор Шлык. Старшыня Бярозаўскага райвыканкама Леанiд Мартынюк дадаў, што сёлета ў раён прыедзе 20 маладых урачоў.

Мацi дваiх дзяцей расказала пра няпростую сiтуацыю, у якую трапiла. З-за сямейных праблем жанчына страцiла месца ў чарзе на паляпшэнне жыллёвых умоў. Цяпер яна жыве ў службовым iнтэрнаце i шукае магчымасць атрымаць арэндную кватэру. Рыгор Шлык разам з кiраўнiцтвам райвыканкама прапанаваў ёй алгарытм далейшых дзеянняў.

— Выязныя прыёмы грамадзян вельмi запатрабаваныя. Гэта аналiз не толькi Адмiнiстрацыi Прэзiдэнта. Па нашым даручэннi сацыялагiчныя службы вывучылi пытанне. Больш за 60 працэнтаў грамадзян адзначылi, што такая форма стасункаў з насельнiцтвам найбольш запатрабаваная i зручная для людзей. Сёлета мы паставiлi задачу ахапiць выязнымi прыёмамi ўсе 118 раёнаў краiны, — кажа начальнiк галоўнага ўпраўлення па рабоце са зваротамi грамадзян i юрыдычных асоб Адмiнiстрацыi Прэзiдэнта.

Рыгор Шлык таксама звярнуў увагу на тое, што сёлета адзначаецца змяншэнне колькасцi зваротаў ва ўсiх рэгiёнах. На яго думку, у пэўнай ступенi гэта заслуга мясцовых органаў улады, якiя з улiкам даручэнняў кiраўнiка дзяржавы вырашаюць пытаннi, што цiкавяць i хвалююць грамадзян. Але казаць, што ўсё вырашана, пакуль рана. Ёсць шэраг пытанняў, над якiмi неабходна працаваць, лiчыць Рыгор Шлык.

Фота: БЕЛТА

Загаловак у газеце: Найбольш запатрабаваная i зручная форма стасункаў для людзей

Выбар рэдакцыі

Грамадства

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Заразіцца прафесіяналізмам. Чаму трапіць на неканферэнцыю настаўнікаў EdCamp лічыцца вялікай удачай?

Чацвёртая педагагічная неканферэнцыя прайшла ў мінулыя выхадныя з нязменным аншлагам і сабрала больш як тры сотні педагогаў з розных куткоў нашай краіны.

Спорт

Марына Літвінчук: Нашы дзеці будуць лепшыя, чым мы

Марына Літвінчук: Нашы дзеці будуць лепшыя, чым мы

Да старту Алімпійскіх гульняў у Токіа засталося менш за год. Увага да галоўных стартаў ужо пяцігодкі будзе каласальная.

Культура

Драматург Ксенія Шталянкова: Я думала — мяне разарве ад эмацыянальнай перанасычанасці

Драматург Ксенія Шталянкова: Я думала — мяне разарве ад эмацыянальнай перанасычанасці

П'еса, якой адкрыўся фестываль ТЭАРТ, прысвечана Мінскаму гета.

Грамадства

Час памятаць. Жыццёвы шлях Аляксандра Чарвякова — першага кіраўніка БССР

Час памятаць. Жыццёвы шлях Аляксандра Чарвякова — першага кіраўніка БССР

Сто гадоў таму ў верасні—кастрычніку 1920 года вакол беларускіх зямель разыгралася сапраўдная драма — у Рызе паміж Расіяй і Польшчай пачаліся перагаворы аб аддзяленні на карысць апошняй часткі тэрыторый Беларусі.