Вы тут

Урокі анлайн, прэстыж прафесіі, замацаванне настаўнікаў на сяле


Гэтыя і іншыя пытанні падымаліся падчас круглага стала, ініцыятарам якога стаў член Пастаяннай камісіі Савета Рэспублікі па адукацыі, навуцы, культуры і сацыяльным развіцці, прарэктар па вучэбнай рабоце МДУ імя А. Куляшова Алег Дзячэнка.


Гутарка праводзілася на базе Магілёўскага абласнога інстытута развіцця адукацыі ў фармаце анлайн. Разам з дырэктарамі школ і гімназій Алег Дзячэнка на працягу амаль дзвюх гадзін абмяркоўваў праблемы, з якімі апошнім часам сутыкнулася сістэма адукацыі.

— Сёлета было запланавана прыняцце новага Кодэкса аб адукацыі, і мы яшчэ летась дамовіліся з кіраўнікамі школ пагутарыць наконт таго, якія змяненні і дапаўненні трэба было б у яго ўнесці, — кажа сенатар. — Планавалі правесці круглы стол яшчэ ў першай палове года афлайн, але ў сувязі з пандэміяй яго давялося адкласці і зрабіць дыстанцыйным.

Пытанняў, якія хвалююць школу, шмат. На фоне пандэміі стала асабліва відаць, што пад форму дыстанцыйнай адукацыі трэба ствараць нарматыўна-прававую аснову.

— Пакуль такой базы няма, — канстатуе Алег Дзячэнка. — Тэхнічна ўсе ўстановы маюць магчымасць забяспечыць анлайн-вучобу, але не існуе рэгламентаў, якія рэгулявалі б гэтыя працэсы. Ідзе падвоеная нагрузка на настаўнікаў: яны працуюць у вочнай форме з дзецьмі, якія прыйшлі на заняткі, і дадаткова з тымі, хто застаўся дома на самаізаляцыі. Усё гэта трэба рэгуляваць.

Не менш актуальная тэма — замацаванне мужчын-педагогаў у сельскай мясцовасці. Малады спецыяліст прыходзіць туды па размеркаванні, а яго забіраюць у армію, і гэта таксама праблема. Ёсць пытанні па падвозе дзяцей, перафармаціраванні штатаў малакамплектных школ сельскай мясцовасці, умацаванні прававога статусу вучэбна-метадычных кабінетаў і шмат іншых. Патрабуюць рашэння задачы павышэння прэстыжу педагагічнай прафесіі, абароны гонару і дзелавой рэпутацыі педагагічных работнікаў.

— Нешта будзем вырашаць на рэгіянальным узроўні, нешта на рэспубліканскім, — кажа Алег Дзячэнка. — Усе заўвагі і прапановы, якія паступілі ад удзельнікаў круглага стала, будуць уважліва прааналізаваныя і накіраваныя ў парламенцкія камісіі і адпаведныя профільныя міністэрствы і ведамствы.

Нэлі ЗІГУЛЯ

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.