Вы тут

Як пабываць на Марсе, не з'язджаючы з Беларусі?


Праект «Камень, нажніцы, папера» завяршае свой другі турыстычны сезон. За гэты час карэспандэнты «Беларусь 2» аб'ехалі 150 населеных пунктаў, атрымалі ад мясцовых жыхароў 500 парад, з'елі 300 абедаў і праінспектавалі 300 гасцініц і аграсядзіб.


Згадзіцеся, такія лічбы цягнуць на асабісты рэкорд. Праграма нават абзавялася ўласнай інстаграм-кнігай, куды кожны з карэспандэнтаў запісвае свае подзвігі і дасягненні (www.іnstagram.com/kamennozhnіcybumaga_offіcіal). Так, напрыклад, Алеся Баярскіх спусцілася ў салігорскую шахту на глыбіню 420 метраў. А трэвел-блогер-пачатковец Алег Рудзін пабываў на самым высокім пункце Беларусі (гары Дзяржынскай), вышыня якой 345 метраў над узроўнем мора. Даша Валкавец не толькі паднялася ў неба на вышыню 1000 метраў, але і самастойна кіравала самалётам (няхай і ўсяго некалькі секундаў і пад наглядам вопытнага пілота). У сваю чаргу інтэлігентны турыст Дзіма Кірэеў танцаваў мазурку і дэгуставаў малако геннамадыфікаваных коз. Прыхільніца эканоміі Алена Кавалёва пайшла далей і змагла ў Капылі замовіць сабе самы танны за ўсю гісторыю праграмы абед, заплаціўшы за першае, другое і кампот толькі 2 рублі 37 капеек.

Куды толькі не заносіў лёс журналістаў праграмы. Яны здымалі ў вёсцы Стойлы, дзе прапісаны ўсяго адзін жыхар. Спрабавалі разгадаць гісторыю беларускіх пірамід ва Уздзе. Нават шукалі самыя смачныя бургеры і змаглі знайсці іх у Маладзечне. Таксама змаглі пабываць на Краснай плошчы, не выязджаючы за межы краіны (такое месца ёсць у горадзе Ветцы).

Як адзначае аўтар праекта і тэлевядучая Вікторыя Касянюк, журналісты адважваліся на розныя подзвігі: «Дзеля добрай «карцінкі» і цікавага кантэнту нашы журналісты шукалі ўсё самае-самае. І колькі яшчэ адкрыццяў чакае нас наперадзе!» Таму спяшайцеся павандраваць з праектам «Камень, нажніцы, папера» да 27 чэрвеня ў эфіры «Беларусь 2» па суботах, бо потым ён сыдзе ў кароткі адпачынак і вернецца толькі ў жніўні. Менавіта тады тэлегледачы разам з журналістамі праграмы пабываюць на Марсе і Венеры, а таксама даведаюцца пра адпачынак на Балі, пра модныя тэндэнцыі ў Парыжы і найпапулярнейшыя пабы ў Дубліне. І ўсё гэта — у Беларусі! Таму дачакайцеся новых падарожжаў!

Алена ДРАПКО

Фота Белтэлерадыёкампаніі

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.